గురుద్వార‌లో ఫొటోషూట్ చేసిన మోడ‌ల్‌.. భ‌గ్గుమంటున్న నెటిజ‌న్లు

మ‌న దేశంలో గుడి ల‌ను ఎంత ప‌విత్రంగా భావిస్తామో అంద‌రికీ తెలిసిందే.

ప్ర‌తి చిన్న విష‌యాన్ని కూడా అత్యంత ప‌విత్రంగా భావించి భ‌క్తి శ్ర‌ద్ధ‌ల‌తో దేవాల‌యాల‌ను కొలుస్తాము.

అయితే ఇలాంటి ప‌విత్ర‌మైన చోట కొన్ని సార్లు కొంద‌రు కావాల‌ని చేసే ప‌నులు తీవ్రంగా వివాదాస్ప‌దం అవుతుంటాయి.ఇప్పుడు పంజాబ్ లో ఉండే గురుద్వార‌లో ఓ పాకిస్తాన్ మోడ‌ల్ ఫొటోషూట్ చేసి వివాదంలో చిక్కుకుంది.

సిక్కులు అత్యంత ప‌విత్రంగా భావించే ఆల‌య ప్రాంగ‌ణంలో ఫోజులిచ్చిన ఫోటోల‌ను ఆ మోడ‌ల్ నెట్టింట షేర్ చేయ‌డంతో అవి కాస్తా త‌క్కువ స‌మ‌యంలోనే వైర‌ల్ అయిపోయాయి.కాగా ఈ ఫొటోలు చివ‌ర‌కు సిక్కు మ‌త‌స్తుల ద‌గ్గ‌ర‌కు చేరుకున్నాయి.

త‌ల‌మీద ఎలాంటి దుప‌ట్టా లేకుండానే ఆమె గురుద్వారాలో తిర‌గ‌డంతో వారంతా తీవ్ర ఆగ్ర‌హం వ్య‌క్తం చేస్తున్నారు.ఆమె త‌మ మ‌నోభావాల‌ను కించ‌ప‌రిచిందంటూ చాలామంది నెటిజ‌న్లు కూడా ఫైర్ అవుతున్నారు.

కాగా ఆ మోడ‌ల్ సాలేహ మాత్రం మన్నత్ క్లాతింగ్ బ్రాండ్ ను ప్ర‌మోట్ చేసే క్ర‌మంలోనే సౌలేహ క‌ర్తార్‌పూర్‌లో ఫోటోషూట్ చేసిన‌ట్టు తెలుస్తోంది.కానీ సిక్కుల మ‌నోభావాలు దెబ్బ తినే విధంగా ఆమె చేసిన ఫొటోషూట్ కాస్తా నెట్టింట ర‌చ్చ‌కు దారి తీసింది.