మిస్టర్ బచ్చన్ మూవీ సెన్సార్ రివ్యూ.. రవితేజ బాక్సాఫీస్ ను షేక్ చేయడం ఖాయమా?

మరో ఆరు రోజుల్లో థియేటర్లలో విడుదల కానున్న మిస్టర్ బచ్చన్ మూవీపై( mister bachchan movie ) భారీ స్థాయిలో అంచనాలు నెలకొనగా ఈ సినిమా బాక్సాఫీస్ ను షేక్ చేసే రేంజ్ హిట్ గా నిలుస్తుందని ఫ్యాన్స్ ఫీలవుతున్నారు.తాజాగా మిస్టర్ బచ్చన్ మూవీ సెన్సార్ కార్యక్రమాలను పూర్తి చేసుకుంది.

2 గంటల 38 నిమిషాల నిడివితో ఈ సినిమా థియేటర్లలో విడుదల కానుండగా ఈ సినిమాకు సెన్సార్ సభ్యుల నుంచి యు/ఎ సర్టిఫికెట్ వచ్చింది.రవితేజకు ( Ravi Teja ) జోడీగా ఈ సినిమాలో భాగ్యశ్రీ బోర్సే( Bhagyashree Borse )నటిస్తున్నారు.

భాగ్యశ్రీ బోర్సే లుక్స్ కు ప్రేక్షకుల నుంచి మంచి రెస్పాన్స్ వస్తోంది.ఈ సినిమాలో రవితేజ ఆదాయపు పన్ను శాఖ అధికారిగా, ఆర్కెస్ట్రా సింగర్ గా కనిపించనున్నారు.

ఈ సినిమాతో రవితేజ ఖాతాలో మరో బ్లాక్ బస్టర్ హిట్ ఖాయమని అభిప్రాయాలు వ్యక్తమవుతున్నాయి.రవితేజ, భాగ్యశ్రీ కాంబో సీన్స్ క్లాస్ గా ఉంటే రవితేజ జగపతిబాబు ( Jagapathi Babu )కాంబో సీన్స్ ఊరమాస్ గా ఉన్నాయని తెలుస్తోంది.