అమెజాన్ ప్రైమ్‌లో మాస్టర్.. కానీ!

తమిళ స్టార్ హీరో విజయ్ నటిస్తున్న లేటెస్ట్ మూవీ ‘మాస్టర్’ ఇప్పటికే షూటింగ్ పనులు ముగించుకుని రిలీజ్ కావాల్సి ఉంది.

కానీ లాక్‌డౌన్ కారణంగా ఈ సినిమా రిలీజ్ వాయిదా పడిన సంగతి తెలిసిందే.

ఈ సినిమాతో మరోసారి కోలీవుడ్‌లో అదిరిపోయే సెన్సేషన్ క్రియేట్ చేయాలని విజయ్ అండ్ టీమ్ భావిస్తోంది.ఇక ఈ సినిమాలో విజయ్‌కు పోటీగా విలన్ పాత్రలో విజయ్ సేతుపతి కూడా ఉండటంతో ఈ సినిమా ఎలాంటి రికార్డులను క్రియేట్ చేస్తుందా అని అందరూ ఆసక్తిగా చూస్తున్నారు.

కాగా ఈ సినిమాను నేరుగా ఓటీటీలో రిలీజ్ చేస్తారేమో అనే సందేహం కూడా ప్రేక్షకుల్లో నెలకొంది.దీనికి తోడు అమెజాన్ ప్రైమ్ ఈ సినిమా కోసం భారీ మొత్తాన్ని ఆఫర్ చేయడంతో ఈ సినిమాను నేరుగా ఓటీటీలోనే రిలీజ్ చేస్తారని అందరూ అనుకున్నారు.

అయితే ఈ సినిమాను ఎట్టిపరిస్థితుల్లో థియేటర్లలో రిలీజ్ చేసిన తరువాతే డిజిటల్ వరల్డ్‌లో స్ట్రీమ్ చేయాలని చిత్ర యూనిట్ కండీషన్ పెట్టినట్లు తెలుస్తోంది.దీంతో మాస్టర్ చిత్రం రెండు చోట్లా దుమ్ములేపడం ఖాయమని చిత్ర వర్గాలు అంటున్నాయి.

ఇక ఈ సినిమాను లోకేష్ కనగరాజ్ డైరెక్ట్ చేస్తుండటంతో ఈ సినిమాపై ప్రేక్షకులతో పాటు సినీ వర్గాల్లో అదిరిపోయే అంచనాలు క్రియేట్ అయ్యాయి.దానికి తోడు ఈ సినిమాకు సంబంధించిన పోస్టర్స్, టీజర్లు ఇప్పటికే ప్రేక్షకుల్లో మంచి అంచనాలను క్రియేట్ చేసింది.

కాగా ఈ సినిమాలో విజయ్ సరసన హీరోయిన్‌గా మాళవికా మోహనన్ నటిస్తుండటంతో ఈ సినిమాలో వారిద్దరి మధ్య ఎలాంటి కెమిస్ట్రీ ఉంటుందా అనేది ఆసక్తికరంగా మారింది.ఇక ఈ సినిమాకు తమిళ సెన్సేషన్ అనిరుధ్ రవిచందర్ సంగీతం అందిస్తుండగా ఈ సినిమాను వీలైనంత త్వరగా రిలీజ్ చేయాలని చిత్ర యూనిట్ భావిస్తోంది.

మరి మాస్టర్ థియేటర్లలో ఎప్పుడు కనిపిస్తాడో తెలియాలంటే మరికొద్ది రోజులు ఆగాల్సిందే.