అభిమానులకు కృతజ్ఞతలు తెలిపిన మహేష్.. ట్వీట్ వైరల్!

సూపర్ స్టార్ మహేష్ బాబు కీర్తి సురేష్ జంటగా పరశురామ్ దర్శకత్వంలో తెరకెక్కిన చిత్రం సర్కారు వారి పాట.

ఈ సినిమా మే 12వ తేదీ విడుదల అయ్యి మొదటి షో నుంచి పాజిటివ్ టాక్ ను సంపాదించుకొని మంచి కలెక్షన్లను రాబడుతోంది.

ఈ సినిమా గురించి కొందరు ఉద్దేశపూర్వకంగా దుష్ప్రచారం చేసినప్పటికీ ఈ సినిమా మంచి కలెక్షన్లను రాబట్టింది.ఇదిలా ఉండగా ఈ సినిమా విడుదలైన వారం రోజులలో వంద కోట్లను రాబట్టడంతో చిత్ర బృందం పెద్ద ఎత్తున సినిమా సక్సెస్ పార్టీని ఎంతో ఘనంగా నిర్వహించారు.

ఈ క్రమంలోనే ఈ సినిమా విజయోత్సవ వేడుకను కర్నూలులో ఘనంగా నిర్వహించారు.ఇకపోతే ఈ సినిమాకి ఇంత మంచి విజయాన్ని అందించిన ప్రతి ఒక్కరికి మహేష్ బాబు ఈ వేదికపై కృతజ్ఞతలు తెలిపిన విషయం మనకు తెలిసిందే.

అయితే తాజాగా మహేష్ బాబు ట్విట్టర్ ద్వారా ఈ సినిమా విజయం గురించి ప్రస్తావిస్తూ అభిమానులకు కృతజ్ఞతలు తెలియజేశారు.

ఈ క్రమంలోనే మహేష్ బాబు ట్విట్టర్ వేదికగా స్పందిస్తూ.సర్కారు వారి పాట చిత్రాన్ని బ్లాక్ బస్టర్ హిట్ చేసిన ప్రతి ఒక్క ప్రేక్షకుడికి హృదయపూర్వక ధన్యవాదాలు.మీరంతా చూపిస్తున్న ప్రేమకు ఉప్పొంగి పోతున్నాను.

ఈ సినిమా కోసం కష్టపడి పనిచేస్తున్న చిత్ర బృందానికి, అభిమానులకు థ్యాంక్స్ అంటూ ట్వీట్ చేశారు.ప్రస్తుతం ఈ ట్వీట్ సోషల్ మీడియాలో వైరల్ గా మారింది.

ఇక ఈ చిత్రానికి పరశురామ్ దర్శకత్వం వహించగా ఎస్.ఎస్ తమన్ సంగీత దర్శకత్వం వహించారు.ఈ చిత్రాన్ని మైత్రీ మూవీ మేకర్స్, 14 రీల్స్, జీఎం బీ ఎంటర్టైన్మెంట్స్ సంయుక్తంగా నిర్మించాయి.