దిశకో న్యాయం.. కల్వకుంట్లకో న్యాయం.. జనానికి షాక్‌ ఇచ్చిన తెలంగాణ పోలీసులు!

S Harid Prasad

Sr journalist

2019-12-11   20:00:03  IST

దిశ హత్యాచారం కేసులో నిందితులను పోలీసులు ఎన్‌కౌంటర్‌ చేయగానే దేశమంతా వాళ్లను ఆకాశానికెత్తింది.పోలీసులు సరైన న్యాయం చేశారని కీర్తించింది.

Ad

అయితే ఈ కేసులో నిందితులు పేదవాళ్లు కాబట్టి పోలీసులు ధైర్యం చేయగలిగారని, అదే పెద్ద వాళ్లు ఉండి ఉంటే ఇలా చేసేవారా అన్న విమర్శలూ ఈ ఎన్‌కౌంటర్‌పై ఉన్నాయి.

ఇప్పుడా విమర్శలు నిజమే అన్నట్లుగా పోలీసుల తీరు ఉంది.ఆ మధ్య బయోడైవర్సిటీ ఫ్లైఓవర్‌పై జరిగిన కారు ప్రమాదం సంగతి తెలుసు కదా.ఫ్లై ఓవర్‌ నుంచి కారు కిందపడిన ప్రమాదంలో ఓ మహిళ అక్కడికక్కడే మృతి చెందగా.మరికొందరికి గాయాలయ్యాయి.

ప్రమాదానికి కారణమైన కల్వకుంట్ల కృష్ణమిలన్‌ రావు మాత్రం స్వల్పగాయాలతో బయటపడ్డాడు.అంతేకాదు ఇప్పటి వరకూ అరెస్ట్‌ కాకుండా ఉండటం గమనార్హం.

ఆ ఫ్లై ఓవర్‌పై గంటకు గరిష్ఠంగా 40 కిలోమీటర్ల వేగంతోనే ప్రయాణించాలని, కృష్ణమిలన్‌ రావు మాత్రం 104 కిలోమీటర్ల వేగంతో ప్రయాణించడానికి పోలీసులు ఎఫ్‌ఐఆర్‌లో పేర్కొన్నారు.కానీ ఇన్నాళ్లూ అతడు ఆసుపత్రిలో చికిత్స పొందుతున్నాడంటూ అరెస్ట్‌ చేయలేదు.