ఆ ఆస్తులు కాపాడుకోవడానికే కేసీఆర్ తో జగన్ దోస్తీ

పోలవరం నిర్వాసితులకు న్యాయం చేయాలని తెలుగుదేశం పార్టీ సీనియర్ నాయకులు డిమాండ్ చేస్తున్నారు.

పోలవరం ప్రాజెక్టుపై ముఖ్యమంత్రి జగన్ మోహన్ రెడ్డి అసత్యాలు చెబుతున్నారని అంటున్నారు.

జగన్ మోహన్ రెడ్డి పాద యాత్రలో భాగంగా పోలవరం వచ్చినప్పుడు ఆ ప్రాజెక్టుకు శంకుస్థాపన కూడా చేయలేదని టీడీపీ నేతలు అంటున్నారు.డయాఫ్రమ్‌వాల్‌పై జగన్‌కు కనీస అవగాహన కూడా లేదని, డయాఫ్రమ్‌వాల్‌ను ఉపరితలం కిందే నిర్మించారని చెబుతున్నారు.

జగన్ మోహన్ రెడ్డి ముఖ్యమంత్రి అయిన తర్వాత పోలవరం ప్రాజెక్టు భవిష్యత్తు డైలమాలోకి నెట్టబడిందన్నారు.టీడీపీ అధ్యక్షుడు చంద్రబాబు నాయుడు హయాంలో 71 శాతం ప్రాజెక్టు పనులు పూర్తి చేయగా, జగన్ అధికారంలోకి వచ్చిన తర్వాత మూడు శాతం కూడా పూర్తి చేయలేదన్నారు. సెంట్రల్ వాటర్ వర్క్స్ విభాగం కూడా తన నివేదికలో ఈ విషయాన్ని స్పష్టంగా పేర్కొన్నదని, డయాఫ్రమ్ వాల్ ఎక్కడ నిర్మించారో నీటిపారుదల శాఖ మంత్రికి కూడా తెలియదని టీడీపీ నేతలు చెబుతున్నారు.2020 జూన్‌ నాటికి పోలవరం ప్రాజెక్టు పనులు పూర్తి చేయాలనుకున్న చంద్రబాబు కాఫర్‌ డ్యామ్‌, డయాఫ్రమ్‌వాల్‌, స్పిల్‌ వే, ఎర్త్‌ కమ్‌ రాక్‌ఫిల్‌ డ్యామ్‌ నిర్మాణ పనులను ఏకకాలంలో చేపట్టారని టీడీపీ నేతలు చెబుతున్నారు. ఐఐటీ, హైదరాబాద్‌ నిపుణులు పోలవరం ప్రాజెక్టు అథారిటీకి సమర్పించిన నివేదికలో డయాఫ్రమ్‌వాల్‌కు జరిగిన నష్టం ప్రకృతి వైపరీత్యం కాదని, కేవలం మానవ తప్పిదాల వల్లే దెబ్బతిన్నదని స్పష్టం చేశారు.

దీనిపై జగన్ ఏం చెబుతారని, ఏం సమాధానం చెబుతారని ప్రశ్నించారు.

నిబంధనలను ఉల్లంఘించి రివర్స్‌ టెండరింగ్‌ పేరుతో జగన్‌ రిజర్వ్‌ టెండరింగ్‌కు పాల్పడ్డారని, ప్రాజెక్టు కాంట్రాక్టర్‌ను మార్చడం సరికాదని పోలవరం ప్రాజెక్ట్‌ అథారిటీ చీఫ్‌ ఎగ్జిక్యూటివ్‌ ఆఫీసర్‌ ఆర్‌కే జైన్‌ స్పష్టం చేశారని టీడీపీ నేతలు మండిపడ్డారు.పోలవరం ప్రాజెక్టు కోసం భూములు త్యాగం చేసిన నిర్వాసితులకు ముఖ్యమంత్రి తీవ్ర అన్యాయం చేస్తున్నారని నేతలు అభిప్రాయపడ్డారు.పోలవరం డ్యాం ఎత్తును 45.75 మీటర్ల నుంచి 41.15 మీటర్లకు కుదించేందుకు ఆంధ్రప్రదేశ్ ముఖ్యమంత్రి అంగీకరించారని తెలంగాణ ముఖ్యమంత్రి కేసీఆర్ చేసిన ప్రకటనను జగన్ మోహన్ రెడ్డి ఎందుకు ఖండించలేదని ప్రశ్నించారు.కేసీఆర్ తో ఆయనకు కొంత అండదండలు ఉన్నాయని, కేసుల నుంచి బయటపడేందుకు జగన్ రాష్ట్ర ప్రయోజనాలను తాకట్టు పెట్టారని దీన్నిబట్టి స్పష్టమవుతోంది.

ముఖ్యమంత్రి పోలవరం నిర్వాసితులకు అధికారంలోకి రాగానే ఒక్కొక్కరికి రూ.5 లక్షలు అదనంగా చెల్లిస్తామన్న హామీ ఏమైందని ప్రశ్నించారు.ఆ తర్వాత జగన్ స్వయంగా ఒక్కొక్కరికి రూ.10 లక్షలు పెంచారని, ఇప్పటి వరకు తమకు ఒక్క రూపాయి కూడా చెల్లించలేదన్నారు.తెలంగాణలో తన ఆస్తులు కాపాడుకోవడానికి, వ్యక్తిగత ప్రయోజనాలు కాపాడుకోవడం కోసమే జగన్, కేసీఆర్ ముందు తల ఊపుతున్నారని తెలుగుదేశం పార్టీ నేతలు అంటున్నారు.