దక్షిణాఫ్రికాకు తొలి భారతీయుల రాకను సెలబ్రేట్ చేసుకున్న ఎన్నారైలు..

2023, నవంబర్ 16న గురువారం అనేక మంది భారతీయ సంతతికి చెందిన దక్షిణాఫ్రికా వాసులు 1860లో తమ పూర్వీకులు ఆ దేశానికి వచ్చిన రాకను సెలబ్రేట్ చేసుకున్నారు.163 ఏళ్ల క్రితం ఒప్పంద కార్మికులుగా భారతీయులు దక్షిణాఫ్రికాకు వెళ్లారు.

అయితే తాజాగా ఆ విషయాన్ని గుర్తు చేసుకుంటూ 163వ వార్షికోత్సవాన్ని ఎన్నారైలు ఘనంగా జరుపుకున్నారు.

వారు తమ వారసత్వం, చరిత్రను గౌరవించే వివిధ కార్యక్రమాలలో పాల్గొన్నారు.డర్బన్‌లోని( Durban ) 1860 హెరిటేజ్ సెంటర్‌లో బెల్ రింగింగ్ వేడుకతో ఈ యానివర్సిటీ సెలబ్రేషన్స్ ప్రారంభించారు.1860, నవంబర్ 16న మొదటి ఓడ ప్రయాణంలో బయటపడిన 342 మంది ఒప్పంద కార్మికులకు ప్రాతినిధ్యం వహించేలా గంటను మూడు, నాలుగు, రెండు సార్లు మోగించారు.క్వాజులు-నాటల్‌ యూనివర్సిటీలోని గాంధీ-లుతులి సెంటర్ బోర్డు సభ్యుడు కిరు నైడూ( Kiru Naidoo ) మాట్లాడుతూ.

మార్గమధ్యంలో మరణించిన వారిని కూడా గుర్తుంచుకున్నామని, వారికి సరిగ్గా అంత్యక్రియలు నిర్వహించలేదని చెప్పారు.తరువాతి దశాబ్దాలలో దక్షిణాఫ్రికాకు వచ్చిన ఒప్పంద కార్మికులందరినీ 1860 హెరిటేజ్ సెంటర్ సత్కరించిందన్నారు.