సంధ్య థియేటర్ కు భారీ షాక్.. లైసెన్స్ ఎందుకు రద్దు చేయకూడదంటూ?

హైదరాబాద్ లోని ప్రముఖ థియేటర్లలో సంధ్య థియేటర్ ( sandhya theatre ) ఒకటని చెప్పాల్సిన అవసరం లేదు.

ఆర్టీసీ క్రాస్ రోడ్స్ ( RTC Cross Roads )లోని సంధ్య థియేటర్ లో సినిమా చూడటానికి సినీ అభిమానులతో పాటు సెలబ్రిటీలు సైతం ఆసక్తి కనబరుస్తారు.

అయితే సంధ్య థియేటర్ లో ఈ నెల 4వ తేదీన జరిగిన తొక్కిసలాట ఘటనను ఎవరూ మరిచిపోలేరు.ఈ ఘటన విషయంలో థియేటర్ నిర్వాహకుల నిర్లక్ష్యం స్పష్టంగా కనిపిస్తోంది.

అయితే సంధ్య థియేటర్ నిర్వాహకులకు హైదరాబాద్ పోలీసులు షాకిచ్చారు.హైదరాబాద్ సీపీ సీవీ ఆనంద్ ( CP CV Anand )సంధ్య థియేటర్ కు షోకాజ్ నోటీసులు జారీ చేయడం గమనార్హం.

ఈ నెల 4వ తేదీన పుష్ప ది రూల్ మూవీ రిలీజ్ సందర్భంగా థియేటర్ యాజమాన్యం నిర్లక్ష్యం వల్ల జరిగిన ఘటనకు సంబంధించి లైసెన్స్ ఎందుకు రద్దు చేయకూడదో తెలపాలంటూ నోటీసులు జారీ చేశారు.