Congress MP Tickets : కాంగ్రెస్ ఎంపీ టికెట్లకు భారీ డిమాండ్ .. ఆశావాహులు వీరే 

తెలంగాణ అసెంబ్లీ ఎన్నికల్లో కాంగ్రెస్ ( Congress Party ) విజయం సాధించి ప్రభుత్వాన్ని ఏర్పాటు చేయడంతో, మరికొద్ది నెలల్లో జరగనున్న పార్లమెంట్ ఎన్నికల్లో కాంగ్రెస్ నుంచి ఎంపీలుగా పోటీ చేసేందుకు చాలామంది పోటీ పడుతున్నారు.

ప్రస్తుతం లోక్ సభ కు( Lok Sabha ) పోటీ చేసే అభ్యర్థుల ఎంపికపై కాంగ్రెస్ అధిష్టానం దృష్టి పెట్టింది.

  రాష్ట్రవ్యాప్తంగా 17 నియోజకవర్గాల నుంచి ఎవరిని పోటీకి దించితే గెలుపు ఖాయం అనే లెక్కల్లో కాంగ్రెస్ అధిష్టానం ఉంది.ఇప్పటికే ప్రతి నియోజకవర్గం నుంచి ఇద్దరు ముగ్గురు నేతల పేర్లను పరిశీలనకు తీసుకుంది.

వారిలో గెలుపు అవకాశాలు ఉన్నా వారిని గుర్తించే పనిలో ఉంది.దీంతో కాంగ్రెస్ అధిష్టానం పెద్దల దృష్టిలో పడేందుకు కాంగ్రెస్ సీనియర్ నేతలు పోటీ పడుతున్నారు.

ఇప్పటికీ తెలంగాణ ప్రదేశ్ ఎన్నికల కమిటీ సమావేశం ముగిసింది.అభ్యర్థుల విషయంలో పిఈసి సభ్యుల అభిప్రాయాలను నమోదు చేశారు.

అన్ని నియోజకవర్గాల నుంచి బలమైన, గెలుపు అవకాశాలున్న నేతలను రంగంలోకి దించేందుకు వడబోత కార్యక్రమానికి శ్రీకారం చుట్టారు.పి.ఈ.సి సమావేశంలో తెలంగాణలో 15 లోక్ సభ స్థానాల్లో గెలిచే అవకాశం ఉందని రేవంత్ రెడ్డి చెబుతున్నారు.ఇప్పటికే 17 అసెంబ్లీ స్థానాల కోసం 39 మంది అభ్యర్థులు దరఖాస్తులు చేసుకున్నారు.

వీరిలో అత్యధికంగా మహబూబాబాద్ ఎంపీ స్థానానికి 48 దరఖాస్తులు రాగా, అత్యల్పంగా మహబూబ్ నగర్ ఎంపీ స్థానానికి నాలుగు దరఖాస్తులు వచ్చాయి.వీటిని పరిశీలించి ఫైనల్ చేసే పనిలో కాంగ్రెస్ అధిష్టానం ఉంది.

మొత్తంగా 17 పార్లమెంటు స్థానాలకు 309 మంది ఆశావాహులు దరఖాస్తులు చేసుకున్నారు.