అర్జున్ రెడ్డి లాంటి మరో సినిమాలో నటిస్తారా.. షాలిని పాండే రియాక్షన్ ఇదే!

టాలీవుడ్ ఇండస్ట్రీలో అర్జున్ రెడ్డి( Arjun Reddy ) సినిమాతో షాలినీ పాండే( Shalini Pandey ) మంచి గుర్తింపును సంపాదించుకున్న సంగతి తెలిసిందే.

అర్జున్ రెడ్డి సినిమా బాక్సాఫీస్ వద్ద బ్లాక్ బస్టర్ హిట్ గా నిలవగా ఈ సినిమా తర్వాత విజయ్ దేవరకొండ( Vijay Devarakonda ) కెరీర్ పుంజుకున్న స్థాయిలో షాలిని పాండే కెరీర్ మాత్రం పుంజుకోలేదు.

అర్జున్ రెడ్డి సినిమా నేను కెరీర్ తొలినాళ్లలో నటించిన సినిమా అని ఆమె చెప్పుకొచ్చారు.ఆ సినిమా గురించి ఇప్పుడు ఆలోచిస్తే మాత్రం అమాయకంగా ఉంటుందని ఆమె వెల్లడించారు.

ఆ సినిమాలో నా పాత్రను మరింత బలంగా చేయొచ్చేమో అని అనుకుంటానని ఆమె కామెంట్లు చేశారు.మరోసారి అలాంటి రోల్ వస్తే మాత్రం నో చెప్పనని షాలిని పాండే పేర్కొన్నారు.

దానిపై మరింత అవగాహన పెంచుకుని నటిస్తానని షాలిని పాండే చెప్పుకొచ్చారు.