కోరిన మొక్కులు తీర్చే.. వేములవాడ రాజన్న!

మన భారతదేశంలో ఎక్కడికి వెళ్ళినా మనకు శివుని ఆలయాలు దర్శనమిస్తుంటాయి.దేశవ్యాప్తంగా శివాలయాలు ఎంతో ప్రసిద్ధి చెందినవి.

ఈ తరహాలోనే రాజరాజేశ్వరి ఆలయంగా, భాస్కర క్షేత్రంగా, హరి హరి క్షేత్రంగా ఎంతో ప్రసిద్ధిచెందినది వేములవాడ రాజరాజేశ్వరాలయం.కోడె మొక్కులు స్వామిగా, కోరిన కోరికలు తీర్చే ఆలయంగా ప్రసిద్ధి చెందినదే ఈ వేములవాడ రాజన్న ఆలయం.

అయితే ఈ ఆలయం ప్రత్యేకతలు ఏమిటో ఇక్కడ తెలుసుకుందాం.సాధారణంగా భారత దేశంలో హిందువులు మాత్రమే హిందూ దేవాలయాలను దర్శిస్తారు.

కానీ తెలంగాణ రాష్ట్రం కరీంనగర్ జిల్లాలో ఉన్న ఈ వేములవాడ రాజరాజేశ్వర ఆలయంలో హిందువులతో పాటు ముస్లిములు కూడా ఆ శివయ్యను దర్శించుకుంటారు.పురాణాల ప్రకారం అర్జునుడి మునిమనుమడైన నరేంద్రుడు ఒక ఋషిని చంపటం వల్ల కలిగిన పాపం నుంచి విముక్తి పొందటానికి దేశం మొత్తం తిరుగుతూ ఈ ఆలయాన్ని చేరుకుంటాడు.

అక్కడ ఉన్న ధర్మ గుండంలో స్నానం చేస్తున్న నరేంద్రుడికి శివలింగం కనిపించటంతో ఆ శివలింగాన్ని ప్రతిష్టించి పూజించాడు.అప్పుడు శివుడు ప్రత్యక్షమై రోషిని చంపిన పాపం నుంచి నరేంద్రుడికి విముక్తిని కలిగించాడు.

ఆ శివలింగమే ఇప్పుడు ఉన్న ఆలయంలో మూల విరాట్ విగ్రహమని పురాణాలు చెబుతున్నాయి.