MP Raghuram Krishnamraju , Prabhas : ప్రభాస్ ఫ్యామిలీ కే బీజేపీ టికెట్ ? రఘురామకు లేనట్టేనా ? 

టీడీపీ, బీజేపీ, జనసేన( TDP, BJP, Jana Sena ) పార్టీల మధ్య పొత్తు కుదిరిన నేపథ్యంలో ఏపీ రాజకీయాలు అనూహ్య మలుపులు తిరుగుతున్నాయి.

టిడిపి,  జనసేన ల మధ్య ఇప్పటికే సీట్ల పంపకాల విషయంలో ఒక క్లారిటీ వచ్చింది.

అయితే అనూహ్యంగా బీజేపీతో పొత్తు కుదరడంతో  సీట్ల సర్దు బాటు విషయంలో అనేక మార్పు చేర్పులు చోటు చేసుకుంటున్నాయి.ఈరోజు బీజేపీ అభ్యర్థుల జాబితా దాదాపుగా ఫైనల్ కాబోతోంది.

ఈ మేరకు మూడు పార్టీలు నేతలు సమన్వయ సమావేశాన్ని ఏర్పాటు చేసుకున్నారు.దీంట్లో బీజేపీకి కేటాయించబోయే సీట్లు ,అభ్యర్థుల పేర్లు దాదాపు ఫైనల్ అయ్యే అవకాశం కనిపిస్తుంది.

ఇదిలా ఉంటే బిజెపితో పొత్తు కారణంగా జనసేన పొత్తులో భాగంగా తీసుకున్న కొన్ని సీట్లు కోల్పోయే అవకాశం కనిపిస్తోంది.మూడు లోక్ సభ స్థానాలను ఇప్పటికే టిడిపి కేటాయించింది .అయితే ఇప్పుడు బిజెపి కి సీట్ల కేటాయించాల్సి ఉండడంతో జనసేన రెండు ఎంపీ స్థానాల్లో మాత్రమే పోటీ చేసే అవకాశం కనిపిస్తుంది.