రోజుకు 15 గంటల చదువు.. జేఈఈలో ఆలిండియా టాపర్.. చిద్విలాస్ సక్సెస్ కు హ్యాట్సాఫ్ అనాల్సిందే!

రోజులో మూడు నుంచి 4 గంటలు చదవడానికే చాలామంది ఎంతో కష్టపడుతుంటారు.అయితే పరీక్షల్లో మంచి మార్కులు, ర్యాంకులు సాధించాలంటే మాత్రం రేయింబవళ్లు కష్టపడాల్సి ఉంటుంది.

ఆయితే జేఈఈలో ఆలిండియా టాపర్ గా నిలిచిన చిద్విలాస్ రెడ్డి( Chidvilas Reddy ) రోజుకు 15 గంటలు చదవడం ద్వారా లక్ష్యాన్ని సాధించానని చెబుతున్నారు.నమ్మకం, కష్టపడేతత్వం, తపన ఉంటే సక్సెస్ సొంతమవుతుందని చిద్విలాస్ కామెంట్లు చేస్తున్నారు.

జేఈఈ అడ్వాన్స్డ్( JEE Advanced ) లో చిద్విలాస్ రెడ్డి ఆలిండియా టాప్ ర్యాంక్ సాధించారు.తెలంగాణలోని నాగర్ కర్నూల్ జిల్లా అచ్చంపేటకు చెందిన చిద్విలాస్ తల్లీదండ్రులు టీచర్లుగా పని చేస్తున్నారు.6వ తరగతి నుంచి శ్రీ చైతన్య విద్యాసంస్థల్లో చదివిన చిద్విలాస్ అక్కడే జేఈఈకి శిక్షణ తీసుకున్నారు.ప్రతిరోజూ 15 గంటల పాటు ప్రణాళికాబద్ధంగా చదివానని ఆయన చెప్పుకొచ్చారు.