షాకిచ్చిన కెనడా ప్రధాని దంపతులు.. 18 ఏళ్ల మ్యారేజ్‌ తర్వాత విడాకుల ప్రకటన..

కెనడా ప్రధానమంత్రి జస్టిన్ ట్రూడో,( Justin Trudeau ) అతని భార్య సోఫీ( Sophie ) 18 సంవత్సరాల వివాహం తర్వాత విడిపోతున్నట్లు ప్రకటించి షాక్ ఇచ్చారు.

పబ్లిక్ అప్పీరియన్స్‌లో వీరు ఎప్పుడూ హ్యాపీ కపుల్ గా కనిపిస్తుంటారు.

అలాంటి ముచ్చటైన ఈ దంపతులు విడిపోవాలని నిర్ణయించడం అందరినీ ఆశ్చర్యానికి గురి చేసింది.వీరికి జేవియర్ (15), ఎల్లా-గ్రేస్ (14), హాడ్రియన్ (9) అనే ముగ్గురు పిల్లలు ఉన్నారు.

ఈ దంపతులు చట్టపరంగా విడిపోయిన తర్వాత కూడా ఇప్పటికీ కలిసి బహిరంగంగా కనిపిస్తారు, కానీ వారు విడివిడిగా జీవిస్తారు.తాము ఇప్పటికీ ఒకరినొకరు ప్రేమిస్తున్నామని, గౌరవిస్తున్నామని, తమ పిల్లల గోప్యతను కాపాడాలని కోరుకుంటున్నామని చెప్పారు.