హెయిర్ డ్రైయర్ వినియోగించిన మహిళకు హోటల్ షాక్.. ఎంత బిల్లు వేసిందంటే..

ఒక్కోసారి చెయ్యని తప్పులకి కూడా మూల్యం చెల్లించుకోవాల్సి వస్తుంది.చిన్న పొరపాటు పెద్ద భాధకు కూడా దారితీస్తుంది.

అలాంటి అనుభవం కెల్లీ( Kelly ) అనే మహిళకు ఎదురయ్యింది.ఈమె ఇటీవల ఆస్ట్రేలియాలోని( Australia ) పెర్త్ సిటీలో ఒక మ్యూజిక్ కన్సర్ట్ కు హాజరయ్యేందుకు నోవాటెల్ హోటల్‌లో( Novotel Hotel ) దిగింది.

ఆ సమయంలో ఆమె హోటల్ గదిలో హెయిర్ డ్రైయర్‌ని ఉపయోగించింది.అయితే హెయిర్ డ్రైయర్ పొరపాటున ఫైర్ అలారం మోగించింది.

అగ్నిమాపక సిబ్బంది వచ్చి పరిస్థితిని పరిశీలించగా అది తప్పుడు హెచ్చరిక అని తేలింది.దాంతో ఎలాంటి ఇబ్బంది పెట్టకుండా వారు వెళ్లిపోయారు.

కెల్లీ అంతా బాగానే ఉందని భావించి కచేరీకి వెళ్లింది.ఆమె మరుసటి రోజు చెక్ ఔట్ చేసి హోటల్ నుంచి బయలుదేరింది.అయితే మూడు రోజుల తర్వాత, నోవాటెల్ హోటల్ ఆమె బ్యాంక్ ఖాతా నుంచి 1400 డాలర్లు (రూ.1 లక్షా 16 వేలు) వసూలు చేసింది.అంత మొత్తంలో మనీ కట్ కావడంతో ఆమె ఒక్కసారిగా గుండె పగిలింది.

తర్వాత చాలా కోపంతో ఇంత మొత్తం ఎందుకు వసూలు చేశారంటూ హోటల్‌కి ఫోన్ చేసింది.అగ్నిమాపక శాఖ( Fire Department ) కాల్ చేసినందుకు ఫీజు అని వారు ఆమెకు చెప్పారు.

తమ నిబంధనలు, షరతుల ప్రకారం ఏదైనా తప్పుడు అలారం మోగిస్తే అతిథుల నుంచి మనీ వసూలు చేయవచ్చని వారు వివరించారు.