ఫోటో జర్నలిస్ట్ లకు సన్మానం

రాజన్న సిరిసిల్ల జిల్లా:ప్రపంచ ఫోటోగ్రఫీ దినోత్సవాన్ని పురస్కరించుకొని రాజన్న సిరిసిల్ల జిల్లా నుండి రాష్ట్రస్థాయి పురస్కారాలకు ఎంపికైన సీనియర్ ఫోటో జర్నలిస్ట్ లు కే రవి కుమార్ , వంకాయల శ్రీకాంత్ లను జిల్లా ప్రజా పరిషత్ చైర్ పర్సన్ న్యాలకొండ అరుణా రాఘవ రెడ్డి( Aruna Raghava Reddy ) కలెక్టరెట్ లో శనివారం శాలువా , పుష్పగుచ్చం తో ఘనంగా సన్మానించారు.

ఈ సందర్భంగా జడ్పీ చైర్ పర్సన్ మాట్లాడుతూ సమాజానికి కళ్ళకు కట్టినట్లు చూపేది చిత్రమేనని జిల్లాలో మంచి ఫోటోగ్రాఫర్లు ఉన్నారని అన్నారు.

ఫోటో జర్నలిస్ట్ లు అనేక సంవత్సరాలుగా కే రవి కుమార్ , వంకాయల శ్రీకాంత్ లు జిల్లాలో ప్రభుత్వ , అభివృద్ధి, సంక్షేమ పథకాలు, కార్యక్రమాలకు సంబంధించి ఫోటో కవరేజీ చేస్తున్నట్లు తెలిపారు.ఇరువురు గత 15 సంవత్సరాలుగా జర్నలిజం లో విశేష సేవలందిస్తూ, ఫొటో గ్రఫీలో తనదైన ప్రతిభ కనబరుస్తూ, అందరి మన్ననలు అందుకుంటున్నారన్నారు.