వీడియో: దత్తత తీసుకోమని దీనంగా అడిగిన పిల్లి.. తర్వాతేమైందో చూస్తే..

సాధారణంగా వీధుల్లో బతికే కుక్కలు, పిల్లులు ఆశ్రయం, ఆహారం, ప్రేమ నోచుకోలేక నరకం అనుభవిస్తాయి.

అయితే కొన్ని కుక్కలు లేదా పిల్లలు మాత్రం యజమానులను వాటంతటవే వెతుక్కుంటాయి.

తాజాగా ఒక పిల్లి( Cat ) కూడా దత్తత తీసుకోమని మ్యాట్ రామ్‌సీ( Matt Ramsey ) అనే ఒక ఉద్యోగిని అడిగింది.అనుకోకుండా ఈ వీధి పిల్లిని కలిసిన సంఘటన గురించి సదరు ఉద్యోగి ట్విట్టర్‌లో తెలియజేశాడు.

ఒక ట్వీట్ థ్రెడ్ స్టార్ట్ చేసి ఆ క్యాట్‌ గురించి తెలిపాడు.ఇప్పుడు వారిద్దరి స్టోరీ సోషల్ మీడియాలో వైరల్ అవుతోంది.

ఆ ట్వీట్ ప్రకారం, ఆఫీస్ ముందు మామూలుగా మ్యాట్ నడుస్తుండగా ఒక చిన్న పిల్లి అతని చుట్టూ తిరుగుతూ ఆడుకోవడం మొదలుపెట్టింది.ఆ పిల్లి అతనిని ముద్దాడడం, కళ్లతో చూడడం, అతని కాళ్ళ మీదకు ఎక్కడానికి ప్రయత్నించడం చేసింది.

ఈ అద్భుతమైన క్షణాన్ని కెమెరాలో బంధించి, మ్యాట్ ఆ వీడియాను ఆన్‌లైన్‌లో పోస్ట్ చేశాడు."ఇది ఇప్పుడే నా ఆఫీస్ ముందు కనిపించింది.

నాకు ఏం చేయాలో తెలియడం లేదు." అని రాసుకొచ్చాడు.