మహేష్ ఔట్.. దేవరకొండ ఔట్.. పూరీ 'జనగణమన' సినిమా ఏ హీరో చేస్తాడో!

టాలీవుడ్ ఇండస్ట్రీలో డైరెక్టర్ పూరీ జగన్నాథ్ గురించి అందరికీ తెలిసిందే.ఎన్నో సూపర్ హిట్ సినిమాలను తెరకెక్కించి మంచి పేరు సంపాదించుకున్నాడు పూరీ జగన్నాథ్.

ఇడియట్, బిజినెస్ మాన్, పోకిరి, నేనింతే వంటి మాస్ సినిమాలను తెరకెక్కించి మంచి సక్సెస్ లు అందుకున్నాడు.చాలా వరకు స్టార్ హీరోల సినిమాలనే తెరకెక్కించాడు.

కొన్ని కొన్ని సార్లు ఫ్లాపులను కూడా ఎదుర్కొన్నాడు పూరీ.అయినా కూడా తన సహనాన్ని కోల్పోకుండా ముందడుగు వేసి మరి సినిమాలను రూపొందిస్తున్నాడు.

ఇక ఇటీవలే యంగ్ హీరో విజయ్ దేవరకొండ తో లైగర్ సినిమాకు తో ముందుకు వచ్చాడు.భారీ అంచనాల నడుమ ఈ సినిమా రూపొందింది.

కానీ విడుదలైన మొదటి రోజే ఈ సినిమా ప్లాప్ అని ముద్ర వేసుకుంది.దీంతో ఇదే దేవరకొండ తో పాటు పూరి జగన్నాథ్ కు సోషల్ మీడియాలో బాగా నెగటివ్ కామెంట్లు కూడా వచ్చాయి.

ఎందుకంటే సినిమా విడుదల కాకముందుకు ఈ సినిమా గురించి జోరుగా ప్రచారాలు చేశారు.పైగా విజయ్ దేవరకొండ మాత్రం పెద్ద పెద్ద డైలాగులు కొట్టి సినిమాపై మరింత అంచనాలు పెంచాడు.

కానీ ఏముంది.సినిమా విడుదలైన రోజే ప్రేక్షకులను నిరాశపరిచింది.

ఇక ఇదంత పక్కన పెడితే పూరి ఈ సినిమా డిజాస్టర్ అని టాక్ వచ్చినా కూడా ఎక్కడ నిరాశ చెందకుండా నెక్స్ట్ సినిమాకు రెడీ అయ్యాడని తెలుస్తుంది.