కాలేయాన్ని శుభ్రం చేసే డ్రైడ్ పపాయ..ఎలా తీసుకోవాలంటే?

డ్రైడ్ ప‌పాయ లేదా ఎండిన బొప్పాయి.చాలా మందికి దీనిపై పెద్ద‌గా అవ‌గాహ‌నే లేదు.

దాదాపు అంద‌రికీ పండు బొప్పాయిని తిన‌డ‌మే అల‌వాటు.కానీ, డ్రైడ్ బొప్పాయి కూడా మార్కెట్‌లో విరివిగా ల‌భిస్తుంది.

బొప్పాయి పండును ఎండ బెట్టిన తర్వాత రంగు, రుచి మారిన‌ప్ప‌టికీ.పోష‌కాలు మాత్రం మెండుగా ఉంటాయి.

అలాగే ఆరోగ్యానికి ఎండిన బొప్పాయి అమోఘ‌మైన‌ ప్ర‌యోజ‌నాల‌ను అందిస్తుంది.పైగా డ్రైడ్ ప‌పాయ ఎప్ప‌డూ మార్కెట్ అందుబాటులోనే ఉంటుంది.

బొప్పాయి పండ్లు దొర‌క‌ని వారు చ‌క్క‌గా డ్రైడ్ ప‌పాయ‌ను తెచ్చుకుని డైట్‌లో చేర్చుకుంటే మ‌స్తు హెల్త్ బెనిఫిట్స్‌ను పొందొచ్చు.ఆల‌స్య‌మెందుకు మ‌రి ఆ బెనిఫిట్స్ ఏంటీ.? అసలు డ్రైడ్ ప‌పాయ‌ను ఎలా తీసుకోవాలి.? వంటి విష‌యాల‌పై ఓ లుక్కేసేయండి.ఇటీవ‌ల కాలంలో కాలేయ వ్యాధులతో మ‌ర‌ణిస్తున్న వారి సంఖ్య భారీగా పెరిగి పోయింది.

అయితే డ్రైడ్ ప‌పాయ కాలేయ ఆరోగ్యానికి ఎంతో మేలు చేస్తుంది.డ్రైడ్ ప‌పాయ‌ను పౌడ‌ర్ చేసుకుని నీటిలో క‌లిపి రోజూ తీసుకోవాలి.

త‌ద్వారా కాలేయంలో పేరుకుపోయిన వ్య‌ర్థాలు బ‌య‌ట‌కు పోయి శుభ్రంగా మారుతుంది.మ‌రియు కాలేయ వ్యాధులు క్ర‌మ‌క్ర‌మంగా త‌గ్గు ముఖం ప‌డ‌తాయి.