'మంగళగిరి ' ని వదిలిపెట్టని లోకేష్ ? అదే కారణమా ? 

టిడిపి జాతీయ ప్రధాన కార్యదర్శి నారా లోకేష్( Nara Lokesh ) గత కొద్ది రోజులుగా మంగళగిరి నియోజకవర్గంలోని( Mangalagiri Constituency ) ఎక్కువగా పర్యటిస్తున్నారు.

రాష్ట్ర వ్యాప్త పర్యటనలకు పులిస్టాప్ పెట్టేశారు.

నిత్యం మంగళగిరి నియోజకవర్గంలోనే వివిధ ప్రాంతాల్లో తిరుగుతూ తనను గెలిపించాల్సిందిగా జనాలను కోరుతున్నారు.తాను గెలిస్తే మంగళగిరి రూపురేఖలు మారుస్తానని అభివృద్ధి పథంలో నడిపిస్తానని చెబుతున్నారు.

గతంలో ఎప్పుడు లేనంతగా మంగళగిరి పై లోకేష్ ఫోకస్ చేశారు.బయట నియోజకవర్గాల్లో ఎన్నికల ప్రచారం చేపట్టేందుకు ఆయన ఆసక్తి చూపించడం లేదు.

టిడిపి అధినేత చంద్రబాబు( Chandrababu ) మాత్రం తన వయసును, ఎండను లెక్కచేయకుండా ఎన్నికల ప్రచారంపై పూర్తిగా దృష్టిపెట్టారు.రాష్ట్రవ్యాప్తంగా పర్యటిస్తూ నిత్యం జనాల్లోనే ఉంటున్నారు.

ఇక జనసేన అధినేత పవన్ కళ్యాణ్( Pawan Kalyan ) కూడా పిఠాపురం నియోజకవర్గంలో ఎక్కువగా పర్యటిస్తూ,  మిగతా ప్రాంతాల్లోనూ రోడ్డు షోలు నిర్వహిస్తూ జనాల్లో ఉంటున్నారు.కానీ దీనికి భిన్నంగా లోకేష్ మంగళగిరి దాటి ముందుకు వెళ్లేందుకు ఆసక్తి చూపించడం లేదు.

ప్రతిరోజు ఉండవల్లి కరకట్ట మీద నుంచి ఉదయాన్నే బయలుదేరి మంగళగిరిలో వివిధ వర్గాలను కలుస్తూ,  నియోజకవర్గంలోనే పర్యటిస్తున్నారు .