అసెంబ్లీ సాక్షిగా గవర్నర్ కు ఘోర అవమానం

రాష్ట్రానికి ప్రథమ పౌరుడు అయిన గవర్నర్ కు అవమానం ఎదురైంది.సీఎం,మంత్రులు,ప్రభుత్వ అధికారులు ఎవరైనా కూడా ఆయన తరువాతే.

అలాంటి ఆయన కు అసెంబ్లీ వేదిక గా దారుణ అవమానం చోటుచేసుకుంది.ఆయనను శాసన సభ లోకి రానీయకుండా తాళం వేసి అవమానించారు సిబ్బంది.

పశ్చిమ బెంగాల్ లో చోటుచేసున్న ఈ ఘటన సంచలనం రేపుతోంది.వివరాల్లోకి వెళితే.

ఈ రోజు పశ్చిమ బెంగాల్ స్పీకర్ ‌పశ్చిమ బెంగాల్ గవర్నర్‌ ధనకర్ ని మీటింగ్‌కు ఆహ్వానించారు.అయితే, గవర్నర్ జగదీప్ ధన్‌కర్ అసెంబ్లీ గేటు నంబరు 3 నుంచి లోపలికి వెళ్లేందుకు రెడీ కాగా, అక్కడున్న సిబ్బంది అప్పటికే గేటుకు తాళం వేసి వెళ్లిపోయారు.

దీంతో గవర్నర్ తీవ్ర అసహనానికి లోనైనట్లు తెలుస్తుంది.దీనితో ఆయన మీడియా తో మాట్లాడినప్పుడు మమతా సర్కార్ తీరుపై మండిపడ్డారు.

మమతా బెనర్జీ ప్రభుత్వం ప్రజాస్వామ్య చరిత్రకు అవమానం చేసిందని,తనను అసెంబ్లీలోకి రానీయకుండా గేటుకు తాళం వేశారని చెప్పారు.