తొలి ప్రయత్నంలోనే సీఏ పరీక్షలో రెండో ర్యాంక్.. ఈ యువతి సక్సెస్ కు వావ్ అనాల్సిందే!

మన దేశంలోని అత్యంత కఠినమైన పరీక్షలలో సీఏ పరీక్ష( CA Exam ) ఒకటి కాగా ఈ పరీక్ష కోసం ప్రిపేర్ అయ్యేవాళ్లు సైతం ఎక్కువ సంఖ్యలోనే ఉన్నారు.

ఈ పరీక్షలో తొలి ప్రయత్నంలో సక్సెస్ సాధించడం సులువు కాదు.

సీఏ ర్యాంకర్ వర్ష అరోరా( Varsha Arora ) సక్సెస్ స్టోరీకి నెటిజన్లు ఫిదా అవుతున్నారు.మే నెలలో సీఏ పరీక్ష నిర్వహించగా ఆ పరీక్షలో వర్ష అరోరా తొలి ప్రయత్నంలోనే విజేతగా నిలిచి ఎంతోమందికి స్పూర్తిగా నిలిచారు.

ఢిల్లీకి( Delhi ) చెందిన వర్ష అరోరా సక్సెస్ స్టోరీ నెటిజన్లను ఎంతగానో ఆకట్టుకుంటోంది.బాల్యం నుంచి వర్ష చదువులో ముందువరసలో ఉండేవారు.

యూపీఎస్సీ రాసి ప్రజలకు సేవ చేయాలని ఆమె భావించగా ఆమె బీకాం ఆనర్స్ చదివారు.అయితే తర్వాత యూపీఎస్సీ నుంచి సీఏకు లక్ష్యాన్ని మార్చుకున్న వర్ష ఇంటర్ లో నేర్చుకున్న అంశాలే సీఏ పరీక్ష విషయంలో ఉపయోగపడ్డాయని వెల్లడించడం గమనార్హం.