స్కూల్‌కు లేటుగా వచ్చిందని టీచర్‌ను చావబాదిన ప్రిన్సిపాల్.. వీడియో వైరల్..

ఆగ్రాలోని సీగానా ( Seegana in Agra )గ్రామంలోని ఒక పాఠశాలలో షాకింగ్ సంఘటన చోటు చేసుకుంది.

ఈ స్కూల్లో పనిచేస్తున్న ప్రిన్సిపాల్, టీచర్ ( Principal, Teacher )మధ్య గొడవ జరిగింది.

ఒక వీడియో ద్వారా ఈ సంఘటన వెలుగులోకి వచ్చింది.ఈ వీడియో సోషల్ మీడియాలో వైరల్ అవుతోంది.

వీడియోలో, పాఠశాల ప్రిన్సిపాల్ టీచర్ గుంజా చౌదరిని ఆలస్యంగా స్కూల్ కి ఎందుకు వస్తున్నావ్ అంటూ నిలదీయడం చూడవచ్చు.దీనికి స్పందించిన టీచర్ గత కొన్ని రోజులుగా ప్రిన్సిపాల్ కూడా ఆలస్యంగా వస్తున్నారని ఆరోపించారు.

ఈ మాటల యుద్ధం చివరికి భౌతిక దాడికి దారి తీసింది.వీడియోలో చూపినట్లుగా ప్రిన్సిపాల్ టీచర్ని చావబాదడం చూడవచ్చు.

ఈ సంఘటనపై స్థానిక అధికారులు విచారణ ప్రారంభించారు.ఇరువురి నుంచి వివరణ సేకరించిన తర్వాత తదుపరి చర్యలు తీసుకోనున్నట్లు తెలిపారు.

ఈ ఘటన పట్ల పలువురు ఆందోళన వ్యక్తం చేస్తున్నారు.పాఠశాలలో ఇలాంటి సంఘటనలు జరగకూడదని, విద్యార్థులపై చెడ్డ ప్రభావం చూపుతాయని అభిప్రాయపడుతున్నారు.

వీరి మధ్య గొడవ మరింత దిగజారింది.ఇరువురూ అనుచిత భాషను వాడుతూ, గొడవకు దిగారు.

ఇతర టీచర్లు వారిని ఆపే ప్రయత్నం చేసినా ఫలించలేదు.