ఇక ఇంటింటికీ టీడీపీ జనసేన ! 

ఈ ప్రతి పాదనలపై దాదాపుగా రెండు పార్టీల నేతలు అంగీకారం తెలపడంతో , ఈరోజు అది ఆమోదముద్ర పడగానే,  ఏపీలోని ప్రతి ఇంటికి వెళ్లి ఉమ్మడి మ్యానిఫెస్టోలో ని ప్రతి అంశాన్ని ప్రజలకు అర్థమయ్యేలా చెప్పడంతో పాటు, వైసిపి ప్రభుత్వం వైఫల్యాలను ప్రజలకు వివరించే విధంగా ప్రణాలికలు రూపొందించుకున్నారు.కొద్దిరోజుల క్రితమే టిడిపి కేంద్ర కార్యాలయంలో సమావేశమైన ఉమ్మడి మేనిఫెస్టో కమిటీ రెండు పార్టీల నుంచి ఆరేసి అంశాలను ప్రతిపాదించింది.  రాజమండ్రి మహానాడులో టిడిపి సూపర్ సిక్స్ పేరుతో హామీలను ప్రకటించింది .మహిళల కోసం మహాశక్తిలో భాగంగా తల్లికి వందనం పేరుతో ఇంట్లో ఎంతమంది చదువుకునే పిల్లలు ఉన్నప్పటికీ,  ఒక్కొక్కరికి 15000 చొప్పున ఆర్థిక సహాయం,  ఆడబిడ్డ నిధి నుంచి 18 ఏళ్లు నిండిన ప్రతి మహిళకు నెలకు 1500 దీపం పథకం పేరుతో ప్రతి ఇంటికి ఏడాదికి ఉచితంగా మూడు గ్యాస్ సిలిండర్లు,  ఆర్టీసీ బస్సుల్లో మహిళలకు ఉచిత బస్సు సౌకర్యం కల్పిస్తామని హామీను ఇచ్చింది.  అలాగే రైతుల కోసం అన్నదాత పథకం కింద ప్రతి ఏటా 20వేల ఆర్థిక సాయం, ఆక్వా , ఉద్యాన రైతులకు ప్రోత్సాహకాలు ఇస్తామని పేర్కొన్నారు.