గూగుల్ ఫొటోస్‌లో లాంచ్ అయిన సూపర్ ఫీచర్.. ఇక నుండి ఆపని చాలా తేలిక!

గూగుల్ ఫొటోస్ కొత్త ఫీచర్లను లాంచ్ చేస్తూ మొబైల్ యూజర్లకు గేలం వేస్తోంది.

ఇప్పటికే ఎన్నో కొత్త ఫీచర్లను తీసుకువచ్చినప్పటికీ, ఓ సమస్య ఎప్పుడూ యూజర్ ని వెంటాడేది.

అదే గూగుల్ ఫొటోస్‌లోని ఆల్బమ్‌ లలోని ఫొటోలను నేరుగా డిలీట్ చేయడం కుదిరేది కాదు.ఇలా బేసిక్ ఫీచర్ ఎప్పుడు మిస్ అవుతూ ఉండేది.

అయితే ఎట్టకేలకు ఈ ఫీచర్‌ను గూగుల్ అందుబాటులోకి తెచ్చింది.అయితే కొత్తగా తీసుకొచ్చిన ఫీచర్‌తో ఆల్బమ్స్‌లోని ఫొటోలు డైరెక్ట్‌గా డిలీట్ చేయడం సాధ్యమవుతుంది.

ఈ కొత్త అప్‌డేట్ ఆండ్రాయిడ్, IOS వెర్షన్ల గూగుల్ ఫొటోస్‌ యాప్‌లకు రిలీజ్ అయ్యింది.ఫొటోలను క్లౌడ్ స్టోరేజ్ లో సేవ్ చేసుకునేందుకు చాలామంది యూజర్లు గూగుల్ ఫొటోస్‌ ఫ్లాట్‌ఫామ్‌నే ఎక్కువగా వాడుతుంటారు.

ఆల్బమ్ నుంచి నేరుగా ఫొటోలను డిలీట్ చేసే ఫెసిలిటీ గూగుల్ ఫొటోస్‌ వెబ్ వెర్షన్‌ లో చాలా ఏళ్ల క్రితమే అందుబాటులోకి వచ్చింది.ఇప్పుడు తాజాగా ఆండ్రాయిడ్, IOS యూజర్లకు ఈ ఫెసిలిటీ అందుబాటులోకి రావడంతో ఫొటోలు, వీడియోలు డిలీట్ చేయడం మరింత ఈజీగా మారబోతోంది.

ఇక్కడ గమనించవలసిన ముఖ్యమైన విషయం ఏమిటంటే, ఆండ్రాయిడ్‌లో ఈ ఫీచర్ ప్రైవేట్ ఆల్బమ్‌ల్లోని ఫొటోలు లేదా వీడియోలు డిలీట్ చేయడానికి మాత్రమే యూజ్ అవుతుంది.