గుండె జ‌బ్బుల‌ను అడ్డుకునే జొన్న‌ రొట్టెలు..ఆ బెనిఫిట్స్ కూడా?

ప్ర‌తి సంవ‌త్స‌రం గుండె జ‌బ్బుల‌తో ఎంద‌రో మంది ప్రాణాలు విడుస్తున్నారు.

ఆహార‌పు అల‌వాట్లు, మారిన జీవ‌న శైలి, శ‌రీరానికి త‌గిన శ్ర‌మ లేక‌పోవ‌డం, నిద్ర‌లేమి, ర‌క్త పోటు స్థాయిలు అదుపులో ఉండ‌క‌పోవ‌డం, ఒత్తిడి ఇలా ర‌క‌ర‌కాల కార‌ణాల వ‌ల్ల గుండె జ‌బ్బులు ఎటాక్ చేస్తుంటాయి.

అయితే కొన్ని కొన్ని ఆహారాల‌ను డైట్‌లో చేర్చుకోవ‌డం ద్వారా గుండె జబ్బులు వచ్చే ముప్పును త‌గ్గించుకోవ‌చ్చు.అలాంటి ఆహారాల్లో జొన్న రొట్టెలు కూడా ఉన్నాయి.

జొన్న పిండితో త‌యారు చేసే జొన్న రొట్టెలు ఆరోగ్యానికి మేలైన పోషకాహారం అన‌డంలో సందేహం లేదు.ఎందుకంటే, ఈ జొన్న రొట్టెలు మంచి రుచి క‌లిగి ఉండ‌డంతో పాటు కాపర్, కాల్షియం, జింక్, పొటాషియం, పాస్పరస్, మాంగనీస్, ఐర‌న్‌, ఫైబ‌ర్‌, ప్రోటీన్ ఇలా బోలెడ‌న్ని పోష‌కాలు కూడా నిండి ఉంటాయి.

అందుకే జొన్ని రొట్టెలు ఆరోగ్యానికి మేల‌ని నిపుణులు కూడా చెబుతుంటారు.