Sonia Agarwal Selvaraghavan : మాజీ భర్తతో పని చేయడం నాకు ఇష్టమే.. సోనియా అగర్వాల్ ఆసక్తికర వ్యాఖ్యలు వైరల్!

హీరోయిన్ సోనియా అగర్వాల్‌( Sonia Agarwal ) గురించి మనందరికి తెలిసిందే.

సోనియా అగర్వాల్ పేరు వినగానే ముందుగా గుర్తుకు వచ్చే సినిమా 7/జీ బృందావనం కాలనీ.

( 7/G Brindavan Colony ) ఈ సినిమాతో భారీగా పాపులరీటిని సంపాదించుకుంది ఈ ముద్దుగుమ్మ.అయితే ఈ సినిమా కంటే ముందు తర్వాత పలు సినిమాలలో నటించినప్పటికీ ఈ మూవీతో భారీగా పాపులరీటిని సంపాదించుకుంది.

ధనుష్‌ సరసన కాదల్‌ కొండేన్‌, పుదుపేటఐఅట, రవికృష్ణకు జంటగా 7/జీ బృందావన్‌ కాలనీ వంటి విజయవంతమైన చిత్రాల్లో కథానాయికిగా నటించారు.ఈ మూడు చిత్రాలకు దర్శకుడు సెల్వరాఘవనే( Director Selvaraghavan ) అన్న విషయం తెలిసిందే.

ఆ సమయంలో సెల్వరాఘవన్‌, నటి సోనియా అగర్వాల్‌ ప్రేమించి పెళ్లి చేసుకున్నారు.కానీ వీరి వివాహ బంధం ఎక్కువ కాలం సాగలేదు.

విభేదాలు రావడంతో ఇద్దరు విడిపోయారు.ఆ తరువాత ఎవరి వృత్తిని వారు కొనసాగిస్తున్నారు.

అయితే ఆ తరువాత ఈ ఇద్దరిలో ఎవరికీ సరైన హిట్స్‌ లేకపోవడం గమనార్హం.కాగా ఇటీవల నటుడిగానూ అవతారం ఎత్తిన సెల్వరాఘవన్‌ తాజాగా ఆ వృత్తికి ఫుల్‌స్టాప్‌ పెట్టి మళ్లీ దర్శకత్వంపై దృష్టి పెట్టారు.