బంగాళదుంప సాగు చేసే నేల తయారీ విధానం.. నీటి యాజమాన్య పద్ధతులు..!

కూరగాయలలో ఒకటైన బంగాళాదుంప పంట( Potato Crop ) సాగుకు తక్కువ ఉష్ణోగ్రత ఉండే ప్రాంతాలు చాలా అనుకూలంగా ఉంటాయి.

మన తెలుగు రాష్ట్రాలలో అక్టోబర్ చివరి నుండి నవంబర్ రెండవ వారం వరకు పంట విత్తుకోవాడనికి చాలా అనువైన సమయం.

ఒకవేళ విత్తుకోవడంలో ఆలస్యం అయితే దుంపలు ఊరే సమయంలో ఉష్ణోగ్రతలు పెరిగితే, నాణ్యమైన దుంపల దిగుబడి పొందలేం.బంగాళా దుంప కేవలం మూడు నెలల పంట.బంగాళాదుంప పంట సాగుకు నల్ల రేగడి నేలలు, నీరు నిల్వ ఉండే నేలలు తప్ప అన్ని రకాల నేలలు అనుకూలంగానే ఉంటాయి.దుంప జాతి పంటలు వేసేటప్పుడు నేల తయారీ విధానంలో మెళుకువలు తెలుసుకొని పాటిస్తేనే మంచి దిగుబడి పొందేందుకు అవకాశం ఉంటుంది.

వేసవికాలంలో( Summer ) నేలను లోతు దుక్కులు దున్నుకొని, ఆఖరి దుక్కిలో 10 టన్నుల పశువుల ఎరువుతో( Cattle Manure ) పాటు 40 కిలోల యూరియా, 150 కిలోల సింగిల్ సూపర్ ఫాస్ఫేట్, 30 కిలోల మ్యూరేట్ ఆఫ్ పొటాష్ ఎరువులను వేసి పొలాన్ని కలియదున్నాలి.ఆ తరువాత నేల వదులుగా అయ్యేలా దమ్ము చేసుకోవాలి.