World Wide Collections : శ్యామ్ సింగరాయ్.. హిట్ టాక్ వచ్చిన నానికి నిరాశే?

నాచురల్ స్టార్ నాని హీరోగా భారీ అంచనాల మధ్య తెరకెక్కిన చిత్రం శ్యామ్ సింగరాయ్.

ఈ సినిమాకు సంబంధించి ఫస్ట్ లుక్ విడుదలైన నాటి నుంచి ప్రేక్షకుల్లో అంచనాలు పెరిగిపోతున్నాయి.

ఇక ఈ సినిమాలో ముగ్గురు హీరోయిన్లు నటిస్తూ ఉండడంతో ఈ సినిమా స్టోరీ ఎలా ఉండబోతుందో అని ఊహాగానాలు కూడా వచ్చాయి.ఇక ఈ సినిమా రాహుల్ సాంకృత్యాయన్ దర్శకత్వంలో తెరకెక్కింది.

విభిన్నమైన కథలను తెరకెక్కించడంలో రాహుల్ సాంకృత్యాయన్ దిట్ట.దీంతో ఈ సినిమా సూపర్ హిట్ కావడం ఖాయమని నాని అభిమానులందరూ ఫిక్స్ అయిపోయారు.

ఇటీవల డిసెంబర్ 24వ తేదీన ఈ సినిమా ప్రేక్షకుల ముందుకు వచ్చింది.అనుకున్నట్లుగానే మంచి టాక్ ను సొంతం చేసుకుంది.

"సినిమా అదిరిపోయింది.నాని యాక్టింగ్ ఇరగదీశాడు.

సూపర్ " అంటూ సినిమా చూసిన ప్రేక్షకులు థియేటర్ బయట మీడియా ముందు కామెంట్లు కూడా చేశారు.అంతా బాగానే ఉంది కానీ టాక్ వచ్చినంత అద్భుతంగా కలెక్షన్స్ మాత్రం రాలేదు అని చెప్పాలి.

రిలీజైన మొదటి 2 మూడు రోజులు జోరు చూపించిన కలెక్షన్స్ ఆ తర్వాత మాత్రం కలెక్షన్స్ ఒక్కసారిగా తగ్గిపోయాయి.ఆంధ్రప్రదేశ్లో టికెట్ రేట్ల కారణంగా కొన్ని థియేటర్లు మూతపడడంతో నాని సినిమాకు పెద్ద దెబ్బ పడింది.

విమర్శకుల సైతం ప్రశంసలు అందుకున్నప్పటికీ ఈ సినిమా వసూళ్ల పరంగా మాత్రం నత్తనడకన ముందుకు సాగుతోంది.