సమంత తిరుమల కాలి నడకన ఎక్కినందుకు ఫలితం దక్కింది

అక్కినేని సమంత మజిలీ విడుదలకు మూడు రోజుల ముందు తిరుపతి నుండి తిరుమలకు కాలి నడకన వెళ్లి శ్రీ వెంకటేశ్వర స్వామి వారిని దర్శించుకున్న విషయం తెల్సిందే.

ఆ వెంకటేశ్వర స్వామి సమంత మొర ఆలకించాడో ఏమో కాని మజిలీ చిత్రం మంచి విజయాన్ని సొంతం చేసుకుంది.

నాగచైతన్యకు మజిలీ చిత్రం సక్సెస్‌ చాలా కీలకం.సమంతకు మజిలీ సక్సెస్‌ అయినా ఫ్లాప్‌ అయినా పర్వాలేదు.

కాని చైతూకు మాత్రం ఇది సక్సెస్‌ అయితేనే కెరీర్‌ ముందుకు వెళ్లే పరిస్థితి ఉంది.అందుకు మజిలీ చిత్రంను సక్సెస్‌ చేయాలని సమంత చాలా తాపత్రయ పడింది.

ఆమె చేసిన ప్రార్థనలు మరియు పూజల వల్ల ఆమెకు ఈ చిత్రం సక్సెస్‌ను అందించింది.కేవలం సక్సెస్‌ మాత్రమే కాకుండా నాగచైతన్య కెరీర్‌ బెస్ట్‌ పర్ఫార్మెన్స్‌ అంటూ టాక్‌ను దక్కించుకున్నాడు.

విమర్శకుల ప్రశంసలు దక్కడంతో పాటు అన్ని ఏరియాల ద్వారా వసూళ్లు భారీగా వచ్చాయి.మొదటి మూడు రోజుల్లో ఈ చిత్రం దాదాపుగా 12.5 కోట్ల వసూళ్లను నమోదు చేసినట్లుగా తెలుస్తోంది.చైతూ సినిమా మొదటి వీకెండ్‌ కలెక్షన్స్‌ ఈ స్థాయిలో ఉండటం రికార్డుగా ట్రేడ్‌వర్గాల వారు చెబుతున్నారు.