రైలులోని అమ్మాయిలపై నీళ్లు చల్లిన యువకుడు.. వీపు పగిలేలా కొట్టిన పోలీస్ (వీడియో)

ప్రయాణికులతో కిక్కిరిసి ఉన్న రైలు బోగీలో ఓ ఆకతాయి వీరంగం సృష్టించాడు.

తోటి ప్రయాణికులు ఏం అనుకుంటారో కూడా పట్టించుకోకుండా అమ్మాయిలపై నీళ్లు( Water ) చల్లాడు.

దీంతో రైల్లో ( Train )ఒక్కసారిగా గందరగోళం నెలకొంది.ఈ హఠాత్ పరిణామానికి షాక్ తిన్న ప్రయాణికులు ఏం చేయాలో తెలియక బిక్కమొహం వేశారు.

అక్కడే ఉన్న రైల్వే పోలీస్ అధికారికి( Railway Police Officer ) చిర్రెత్తుకొచ్చింది.ఆగ్రహంతో ఊగిపోయిన ఆ పోలీస్ ఆ ఆకతాయిని పట్టుకుని వీపు పగిలేలా వాయించాడు.

ప్రయాణికులంతా చూస్తుండగానే అతడికి దేహశుద్ధి చేశాడు.ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.

కొందరు నెటిజన్లు మాత్రం పోలీస్ చేసిన పనికి జై కొడుతున్నారు."తప్పు చేస్తే ఎవరైనా శిక్ష అనుభవించాల్సిందే" అని కామెంట్లు పెడుతున్నారు.

"ఇలాంటి ఆకతాయిలకు ఇలాగే బుద్ధి చెప్పాలి" అంటూ మరికొందరు పోలీసును సమర్థిస్తున్నారు.అయితే, కొందరు మాత్రం పోలీస్ అధికారి ప్రవర్తించిన తీరును తప్పుబడుతున్నారు.

చట్టం తన పని తాను చేసుకుపోతుందని, కొట్టడం సరికాదని వాదిస్తున్నారు.