ట్రూడోకు షాకిచ్చిన భారత సంతతి నేత... ముందస్తు ఎన్నికల ముంగిట కెనడా..?

గృహ సంక్షోభం, పెరుగుతున్న వలసలు ఇతర సమస్యలతో కిందా మీద పడుతున్న కెనడా ప్రధాని జస్టిన్ ట్రూడోకు( Prime Minister Justin Trudeau ) భారత సంతతికి చెందిన జగ్మీత్ సింగ్ ( Jagmeet Singh )సారథ్యంలోని న్యూ డెమొక్రటిక్ పార్టీ (ఎన్‌డీపీ) షాకిచ్చింది.

ట్రూడో ప్రభుత్వానికి ఆ పార్టీ మద్ధతును ఉపసంహరించుకోవడంతో కెనడా ప్రభుత్వం మైనారిటీలో పడింది.

దీంతో అక్కడ ముందస్తు ఎన్నికలు జరుగుతాయంటూ అంతర్జాతీయ మీడియాలో కథనాలు వస్తున్నాయి.షెడ్యూల్ ప్రకారం కెనడాలో ఫెడరల్ ఎన్నికలు 2025 అక్టోబర్ చివరినాటికి జరగాల్సి ఉంది.

నవంబర్ 2015లో తొలిసారిగా అధికారాన్ని అందుకున్న జస్టిన్ ట్రూడో నాటి నుంచి ఏకధాటిగా కెనడాను పాలిస్తున్నారు.అయితే ఈసారి ప్రభుత్వంపై వ్యతిరేకత, అధిక ధరలు, గృహ సంక్షోభం వంటి పరిణామాలతో లిబరల్స్ ఓడిపోతారని ముందస్తు సర్వేలు చెబుతున్నాయి.