కరోనా వ్యాక్సిన్ వేసుకుంటే సంసారానికి పనికి రామంటూ ఏకంగా....

పూర్తి వివరాల్లోకి వెళితే స్థానిక రాష్ట్రంలోని బారాబంకి గ్రామంలోని ప్రజలకు కరోనా వ్యాక్సిన్ ఇచ్చేందుకు వైద్యాధికారులు సన్నాహాలు చేస్తుండగా గ్రామంలోని కొందరు యువకులు కరోనా వైరస్ వ్యాక్సిన్ తీసుకుంటే సంసారం చేసేందుకు పనికి రాకుండా పోతారనే అపోహతో తీసుకునేందుకు నిరాకరిస్తున్నారు.అంతేకాకుండా తమకు వ్యాక్సిన్ ఇవ్వొద్దంటూ గ్రామానికి దగ్గరలో ఉన్నటువంటి సరయూ నదిలో దిగి నిరసన కూడా చేపట్టారు.దీంతో ప్రస్తుతం ఈ విషయం సోషల్ మీడియా లో వైరల్ అవుతోంది.అయితే ఈ గ్రామంలో పురాతన జాతులకు చెందినటువంటి తెగ ప్రజలు నివసిస్తున్నారని వీళ్లు తమ పూర్వీకులు నేర్పించిన ఆచారాలను సంప్రదాయాలను తూచా తప్పకుండా పాటిస్తారని అందువల్లనే కొంతమేర సాంకేతిక పరిజ్ఞానానికి దూరంగా బతుకుతున్నారని కొందరు చెబుతున్నారు.

ఈ కారణాల వల్ల కరోనా వైరస్ వ్యాక్సిన్ పై లేనిపోని అపోహలు కారణంగా వారు వ్యాక్సిన్ తీసుకునేందుకు నిరాకరిస్తున్నారట.

దీంతో ఈ విషయం ప్రభుత్వ అధికారుల దృష్టికి వెళ్లడంతోగ్రామస్తుల్లో కరోనా వైరస్ వ్యాక్సిన్ గురించి అవగాహన కల్పించడానికి ప్రభుత్వ అధికారులు యత్నించినప్పటికీ ఫలితం లేకపోయినట్లు సమాచారం.దీంతో కొందరు నెటిజన్లు ఈ విషయంపై స్పందిస్తూ సాంకేతిక పరిజ్ఞానం తో దేశం ముందుకు సాగుతున్నప్పటికీ దేశంలోని పలు గ్రామాల్లో ఇప్పటికీ మూఢనమ్మకాలు, వింత ఆచారాలు కారణంగా ప్రజలు తీవ్ర ఇబ్బందులకు గురవుతున్నారని, కాబట్టి వాటిని రూపుమాపేందుకు దృష్టి సారించాలని ప్రభుత్వ అధికారులను కోరుతున్నారు.