అబాబీల్ వెపన్ సిస్టమ్ ఫ్లైట్ టెస్ట్‌ సక్సెస్.. వెల్లడించిన పాక్ ఆర్మీ..

పాకిస్థాన్ భారతదేశ క్షిపణి రక్షణ వ్యవస్థను ఎదుర్కోవడానికి అబాబీల్( Ababeel ) అనే కొత్త బాలిస్టిక్ క్షిపణి వ్యవస్థను అభివృద్ధి చేసింది.అంతే కాదు తాజాగా దానిని విజయవంతంగా పరీక్షించింది.

సైన్యం ప్రకారం, అబాబీల్ వెపన్ సిస్టమ్ పలు వార్‌హెడ్‌లను మోసుకెళ్లగలదు.2,200 కి.మీ రేంజ్ దీనికి ఉంటుంది.వెపన్ సిస్టమ్( Ababeel Weapon System ) ఫ్లైట్ టెస్ట్‌ బుధవారం 2023, అక్టోబర్ 18 నాడు నిర్వహించారు.

వివిధ ఉప-వ్యవస్థల యొక్క వివిధ సాంకేతిక అంశాలు, పనితీరు కొలతలను వెరిఫై చేసేందుకు ఈ టెస్ట్ కండక్ట్ చేశారు.ఈ పరీక్షకు జాయింట్ చీఫ్స్ ఆఫ్ స్టాఫ్ కమిటీ (CJCSC) చైర్మన్ జనరల్ సాహిర్ షంషాద్ మీర్జా, వ్యూహాత్మక సంస్థలకు చెందిన ఇతర సీనియర్ అధికారులు, శాస్త్రవేత్తలు, ఇంజనీర్లు హాజరయ్యారు.