కరోనా వైరస్ రికవరీ తర్వాత దారుణమైన సమస్య!

గత కొద్ది నెలల నుంచి కరోనా మహమ్మారి ప్రపంచపై తీవ్రరూపం దాలుస్తుంది.రోజురోజుకు కరోనా కేసులు పెరుగుతూనే ఉన్నాయి.

ఒక వైపు కరోనా కేసులు పెరుగుతుండడంతో పాటు, రికవరీ రేటు కూడా పెరగడంతో కొంతమేర ప్రజలలో ఈ మహమ్మారి గురించి భయాందోళనలు చెందడం లేదు.అయితే ఈ మహమ్మారి గురించి శాస్త్రవేత్తలు నిత్యం పరిశోధనలు జరుపుతూనే ఉన్నారు.

ఈ భయంకరమైన వ్యాధి గురించి ప్రతి రోజు ఏదో ఒక కొత్త విషయం బయట పడుతూనే ఉంది.ఈ తరహాలోనే కరోనా గురించి మరొక షాకింగ్ విషయాన్ని శాస్త్రవేత్తలు తెలియజేశారు.

కరోనా సోకిన వ్యక్తి కోలుకున్న తర్వాత కూడా వారిలో అనేక సమస్యలు చర్మ సమస్యలు ఎదురవుతున్నాయని తెలిపారు.మసాచుసెట్స్ జనరల్ హాస్పిటల్ జరిపిన పరిశోధన వివరాలను 29వ కాంగ్రెస్ ఆఫ్ ది యూరోపియన్ అకాడమీ ఆఫ్ డెర్మటాలజీ అండ్ వెనెరియాలజీలో వెల్లడించారు.

ఒకసారి కరోనా సోకిన తర్వాత కోలుకున్న వ్యక్తులు "లాంగ్ హాలర్స్" అనే చర్మ సమస్యతో బాధపడుతున్నట్లు శాస్త్రవేత్తలు తాజాగా తమ అధ్యయనంలో వెల్లడించారు.