టాలీవుడ్ లో మల్టీస్టారర్ మంత్ర.. అందరూ అదే జపిస్తున్నారుగా?

కే జి ఎఫ్ సినిమా తో ఇండియన్ ఫిల్మ్ ఇండస్ట్రీని షేక్ చేసిన ప్రశాంత్ నీల్ ప్రభాస్ తో సలార్ సినిమాను చేస్తున్నాడు.ఈ సినిమాలో మలయాళ సూపర్స్టార్ రాజ్కుమార్ ఒక ప్రత్యేక పాత్రలో కనిపించబోతున్నాడని ప్రకటన వెలువడిన నాటి నుంచి ఈ సినిమాపై అంచనాలు ఒక రేంజిలో పెరిగిపోతున్నాయి.రౌడీ హీరో విజయ్ దేవరకొండ లైగర్ అనే సినిమాలో నటిస్తున్నాడు.

అయితే ఈ సినిమాలో విజయ్ దేవరకొండ తో పాటు టాలీవుడ్ బాలీవుడ్ కాదు ఏకంగా హాలీవుడ్ స్టార్.లెజెండరీ బాక్సర్ మైక్ టైసన్ నటిస్తుండడంతో ఈ సినిమాపై పెరిగిపోతున్న హైప్ అంతా ఇంతా కాదు అని చెప్పాలి.

చిరు హీరోగా ఎంతో ప్రతిష్టాత్మకంగా తెరకెక్కుతున్న గాడ్ ఫాదర్ సినిమాలో సల్మాన్ఖాన్ నటిస్తూ ఉండడం గమనార్హం.తమిళ్ మూవీ లూసిఫర్ లో పృథ్వీరాజ్ సుకుమారన్ చేసిన పాత్రలో సల్మాన్ఖాన్ చేస్తున్నాడు.

దీంతో ఇక వీరిద్దరి కాంబినేషన్ వెండితెరపై చూసేందుకు ఎంతో ఎక్సైటింగ్ గా ఎదురుచూస్తున్నారు ప్రేక్షకులు.ఈ సినిమాకు పాన్ ఇండియా లెవల్లో బిజినెస్ జరగబోతుంది అన్నది మాత్రం అర్థం అవుతుంది.

యువ దర్శకుడు బాబీ డైరెక్షన్ లో చిరంజీవి హీరోగా తెరకెక్కుతున్న 154 సినిమా వాల్తేరు వీరయ్య అనే టైటిల్ ఫిక్స్ చేసినట్లు తెలుస్తోంది.అయితే ఈ సినిమాలో మెగాస్టార్ తో కలిసి రవితేజ ఒక కీలక పాత్రలో నటించనున్నట్లు తెలుస్తోంది.

దీంతో వీరిద్దరి కాంబినేషన్ చూసేందుకు ప్రేక్షకులు తెగ ఆసక్తి చూపుతున్నారు.