చంద్రబాబు పై కేటీఆర్ సానుభూతి ! రాజకీయం అంటే ఇదేగా 

రాజకీయాల్లో శాశ్వత మిత్రులు శాశ్వత శత్రువులు ఉండరు అనేది ఎన్నో సందర్భాల్లో రుజువు అయింది.

  ఇదే విధంగా అవకాశం దొరికినప్పుడల్లా తెలుగుదేశం పార్టీ పైన ,ఆ పార్టీ అధినేత చంద్రబాబుపైన విమర్శలు గుప్పిస్తూ వచ్చే బీఆర్ఎస్ అధినేత కేసిఆర్ , మంత్రులు కేటీఆర్( KTR ) , హరీష్ రావు వంటి వారు ఇప్పుడు వ్యూహాత్మకంగా తెలుగుదేశం పార్టీపై సానుభూతి చూపిస్తూ , చంద్రబాబు అరెస్ట్ వ్యవహారం పై స్పందిస్తున్నారు .

అంతేకాదు ఒక అడుగు ముందుకు వేసి మరి ఏపీ అధికార పార్టీ వైసీపీపై విమర్శలు గుప్పిస్తున్నారు.దీంతో తెలంగాణలో తెలుగుదేశం పార్టీ అభిమానులు, సానుభూతిపరుల ఓట్లను బిఆర్ఎస్ వైపుకు మళ్లించేందుకు తాజాగా మంత్రి కేటీఆర్ టిడిపి అధినేత చంద్రబాబు అరెస్టు ( Chandrababu arrest )వ్యవహారంపై స్పందించారు.