దీపావళికి ముందే రిలయన్స్ ఎస్బీఐ క్రెడిట్ కార్డులు.. బెనిఫిట్స్ ఇవే..!

దీపావళి కంటే ముందే రిలయన్స్ మరియు స్టేట్ బ్యాంక్ ఆఫ్ ఇండియా సంయుక్తంగా క్రెడిట్ కార్డులను తీసుకురానున్నాయి.

ఈ క్రమంలో రెండు కోబ్రాండెడ్ రిలయన్స్ ఎస్బీఐ కార్డులను ( Reliance SBI Credit Card ) విడుదల చేయనున్నాయి.

ఈ క్రెడిట్ కార్డుల ద్వారా రిలయన్స్ రిటైల్ స్టోర్ లలో లావాదేవీలపై వినియోగదారులకు ప్రత్యేకమైన ఆఫర్లు రిలయన్స్ ప్రకటించింది.ఈ క్రెడిట్ కార్డ్ ద్వారా ఎలక్ట్రానిక్స్, ఫార్మా, కిరాణా వస్తువులపై మంచి ఆఫర్లు పొందవచ్చు.

రిలయన్స్ ఎస్బీఐ క్రెడిట్ కార్డ్ తీసుకుంటే వినియోగదారులు పొందే ప్రయోజనాలు ఏమిటో చూద్దాం.ఈ క్రెడిట్ కార్డు తీసుకుంటే ప్రతి ఏడాది వార్షిక రుసుం రూ.499 చెల్లించాలి.అయితే ఒక ఏడాదిలో ఈ కార్డు ద్వారా రూ.100000 ఖర్చు చేసిన వినియోగదారులకు మాత్రం వార్షిక రుసుము మినహాయింపు ఉంటుంది.ఈ క్రెడిట్ కార్డు( Credit Card ) ద్వారా ఇంటి అద్దె, వాలెట్ అప్లోడ్, ఇంధనం లాంటి లావాదేవీలు కాకుండా ఇతర కొనుగోళ్లపై ఖర్చు చేస్తే ప్రతి రూ.100 ఖర్చుకు ఒక రివార్డ్ పాయింట్( Reward Points ) అందించబడుతుంది.