ఛారిటీ సంస్థకు విరాళం అందించడంతో పాటు యువతకు స్పూర్తిగా నిలవడానికి తన అనారోగ్య సమస్యను సైతం అధిగమించి ఏకంగా 508 కిలోమీటర్లు నడిచారో పెద్దాయన.బ్రిటన్లో భారత సంతతికి చెందిన గుర్మీత్ సింగ్ సిద్ధూ( Gurmeet Singh Sidhu ) ‘‘గోయింగ్ ది డిస్టెన్స్ ’’( Going the Distance ) విభాగంలో మూవంబర్ యూకే అండ్ యూరప్ అవార్డ్ 2025కు( UK and Europe Award 2025 ) గాను విజయం సాధించాడు.
ఏకంగా 508 కిలోమీటర్లు నడిచి ఈ అవార్డును దక్కించుకున్నారు.మూవంబర్ ఛారిటీ( Movember Charity ) అనేది పురుషుల ఆరోగ్య సమస్యలపై ముఖ్యంగా ప్రోస్టేట్ క్యాన్సర్, టెస్టిక్యులర్ క్యాన్సర్, మానసిక ఆరోగ్యంపై అవగాహన పెంచేదానికి గాను వార్షిక ఛారిటీ కార్యక్రమాన్ని నిర్వహిస్తుంది.
గ్రేవ్సెండ్ గ్రామర్ స్కూల్లో ఫిజిక్స్ టీచర్గా పనిచేస్తున్న వాకింగ్ సింగ్ గుర్మీత్( Walking Singh Gurmeet ) ఈ ఏడాది తన విద్యార్ధులకు ప్రేరణగా నిలవాలని నిర్ణయించుకున్నారు.ఆరోగ్య సమస్యల కారణంగా అతను కొద్దిరోజులుగా నడవటంలో ఇబ్బందులు ఎదుర్కొంటున్నారు.
అయినప్పటికీ శస్త్రచికిత్సను నివారించడానికి ప్రతిరోజూ కష్టపడి పనిచేయడం , నడవటం ద్వారా గుర్మీత్ తన అనారోగ్య సమస్యను అధిగమించారు.పోటీలో దాదాపు 508 కిలోమీటర్ల మేర నడిచారు గుర్మీత్.
ఈ ఛారిటీ పేరు మూవంబర్. ఇది నవంబర్ నెల అంతా కొనసాగుతుంది.ఈ సందర్భంగా ప్రజలు వివిధ కార్యక్రమాలలో పాల్గొని విరాళాలను( Donations ) సేకరిస్తారు.పురుషులకు మద్ధతుగా మహిళలు కూడా పెద్ద సంఖ్యలో ఈ కార్యక్రమంలో పాల్గొంటారు.
మార్చిలో విజేతను ఖరారు చేసే ముందు అవార్డ్ ప్యానెల్ అందరి విజయాలను విశ్లేషిస్తుందని సిద్ధూ చెప్పారు.
ప్రతిరోజూ పాఠశాల ముగిసిన తర్వాత, వారాంతాల్లో కలిసి నెల మొత్తం తాను 508 కిలోమీటర్లు నడిచానని , అంటే రోజుకు సగటున 17 కిలోమీటర్లు అని తెలిపారు.తన వెన్నుకు శస్త్రచికిత్స చేయాల్సి ఉందని లేనిపక్షంలో తాను నడవలేకపోవచ్చునని కొన్నాళ్ల క్రితం ఓ న్యూరో సర్జన్ తనకు తెలిపారని గుర్మీత్ వెల్లడించారు.దానిని అధిగమించడానికే తాను ఇలా చేసి, విజయం సాధించానని గుర్మీత్ సింగ్ సిద్ధూ చెప్పారు.
యువత శారీరకంగా, మానసికంగా ఆరోగ్యంగా ఉండటానికి మారథాన్లు, అల్ట్రా మారథాన్లలో పాల్గొనాలని ఆయన పిలుపునిచ్చారు.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
