కాపాడాల్సిన నాన్నే వేధింపులకు పాల్పడ్డాడు.. ఖుష్బూ సంచలన వ్యాఖ్యలు వైరల్!

బాధితులకు మన సపోర్ట్‌ ఎంతో అవసరం.వారి బాధను మనం వినాలి.మానసికంగా వారికి ధైర్యం చెప్పాలి.

సమస్య ఎదురైనప్పుడే వారెందుకు మాట్లాడలేదని చాలామంది ప్రశ్నిస్తున్నారు.బయటకు వచ్చి చెప్పే ధైర్యం అందరికీ ఉండదు కదా.తండ్రి వేధింపుల గురించి బయటకు వచ్చి మాట్లాడటానికి ఎందుకు అంత సమయం తీసుకున్నావు? అని చాలామంది గతంలో నన్ను అడిగారు.నిజమే నేను ముందే మాట్లాడాల్సింది.

ఆ ఘటన కెరీర్‌ విషయంలో జరిగింది కాదు.నన్ను రక్షించాల్సిన వ్యక్తి నుంచే నేను వేధింపులు ఎదుర్కొన్నాను.

చాలామంది మహిళలకు కుటుంబం నుంచి సరైన మద్దతు లేదనే విషయాన్ని అందరూ అర్థం చేసుకోవాలి.చిన్న గ్రామాలకు చెందిన ఎంతోమంది అమ్మాయిలు ఎన్నో ఆశలతో ఇక్కడికి వస్తారు.

వారి ఆశలను ఆదిలోనే తుంచేస్తున్నారు అని రాసుకొచ్చింది ఖుష్బూ. అయితే పురుషులందరికీ నేను చెప్పేది ఒక్కటే బాధిత మహిళలకు అండగా నిలవండి.మహిళలపై జరుగుతున్న ఈ సంఘటనలపై మీరు కూడా స్పందించాలి.

మీ ప్రేమ, మద్దతును వారికి అందజేయండి.గుర్తుంచుకోండి, అందరూ కలిసి ఈ గాయాలు మానేలా చేయగలం.

ఈ నివేదిక మనందరిలో మార్పు తీసుకురావాలి అని ఖుష్బూ తెలిపారు.