జగన్ తప్పు తెలుసుకున్నారుగా .. మార్పు కనిపిస్తోంది గా ? 

వైసీపీ అధినేత జగన్( Jagan Reddy ) లో స్పష్టమైన మార్పు కనిపిస్తోంది.

గతంలో మాదిరిగా కాకుండా ఇకపై నిత్యం జనాల్లో ఉండేలా ప్లాన్ చేసుకుంటున్నారు.

  వైసీపీ ( YCP )ప్రభుత్వ హయాంలో ముఖ్యమంత్రి హోదాలో ఉన్న జగన్ ప్రజలకు దాదాపు ఐదేళ్లపాటు దూరంగానే ఉన్నట్టుగానే వ్యవహరించారు.  పార్టీ ప్రభుత్వ కార్యక్రమం ఏదైనా జనాలు నేరుగా ఆయనను కలిసేందుకు , జగన్ జనాల్లోకి వెళ్లేందుకు అవకాశం ఉండేది కాదు.

ఏ పథకాన్ని ప్రారంభించినా బటన్ నొక్కి సరి పెట్టేవారు.  తాను జనంలోకి వెళ్లినా,  వెళ్లకపోయినా పాలనాపరమైన వ్యవహారాలన్నీ  సజావుగా సాగుతున్నాయనే నమ్మకంతో ఉండేవారు.

  దీనికి తగ్గట్లుగానే అధికారులు , పార్టీ కీలక నేతలు సైతం అంతా బాగుంది అన్నట్లుగానే జగన్ కు సమాచారం ఇచ్చేవారు.దీంతోపాటు జగన్ అధికారిక, పార్టీ  కార్యక్రమాలు ఇలా ఎక్కడికి వెళ్ళినా చుట్టూ పరదాలు కట్టడం , చెట్లను నరికి వేయడం, జగన్ పర్యటించే ప్రాంతాల్లో ఎక్కడా జనాలు ఆయనను కలిసేందుకు అవకాశం లేకుండా చేయడం,  ఇవన్నీ జగన్ కు,  జనాలకు మధ్య దూరాన్ని పెంచాయి