Indore Court : నిరుద్యోగి అయిన భర్తకు భరణం చెల్లించాలంటూ కోర్టు తీర్పు.. ఆ ఖర్చులు కూడా భరించాలంటూ?

సాధారణంగా భర్త విడిపోయిన భార్యకు తన ఆదాయంలో కొంత మొత్తాన్ని భరణంగా ఇవ్వడం జరుగుతోంది.

అయితే భర్త నిరుద్యోగి( Unemployed Husband ) అయ్యి భార్య సంపాదించే వ్యక్తి అయితే మాత్రం భార్య నుంచి భర్త కూడా భరణం పొందే అవకాశాలు అయితే ఉంటాయి.

తాజాగా నిరుద్యోగి అయిన భర్తకు భరణం చెల్లించాలంటూ కోర్టు తీర్పు ఇవ్వడంతో ఆ తీర్పు నెట్టింట తెగ వైరల్ అవుతోంది.ఇండోర్ లోని కుటుంబ న్యాయస్థానం( Indore Family Court ) ఇందుకు సంబంధించిన ఆదేశాలను జారీ చేసింది.

నిరుద్యోగి అయిన భర్తకు నెలకు 5000 రూపాయల చొప్పున భరణం చెల్లించాలని వ్యాజ్య ఖర్చులను సైతం భార్య చెల్లించాలని కోర్టు ఆదేశించింది.భార్య( Wife ) ఒక బ్యూటీ పార్లర్ కు యజమానురాలు కావడంతో కోర్టు ఈ మేరకు తీర్పు చెప్పడం గమనార్హం.

భార్య శారీరకంగా, మానసికంగా వేధింపులకు గురి చేయడంతో భర్త( Husband ) ఇంటర్ తర్వాత పై చదువులు చదవలేదని అతని తరపు లాయర్ తెలిపారు.