విష్ణుమూర్తిని నారాయణుడు అని పిలవడం వెనుక గల కారణం ఏమిటో తెలుసా?

త్రిమూర్తులలో ఒకరైన శ్రీమహావిష్ణువు లోకకల్యాణార్థం 10 అవతారాలు ఎత్తిన సంగతి మనకు తెలిసిందే.ఈ దశావతారాలు ఎత్తి రాక్షసులను సంహరించి ధర్మం వైపు నిలబడ్డారు.

ఈ విధంగా విష్ణుదేవుడు ఒక్కో అవతారానికి ఒక్కో విశిష్టత ఉంది.ఈ క్రమంలోనే విష్ణుమూర్తిని ఎన్నో రకాల పేర్లతో పిలుస్తుంటారు.

విష్ణు దేవుడని, నారాయణుడని, శ్రీహరి అని ఇలా వివిధ రకాల పేర్లతో పిలుస్తారు.అయితే విష్ణు దేవుడికి నారాయణుడు అనే పేరు ఏ విధంగా వచ్చిందో ఇక్కడ తెలుసుకుందాం.

ఈ అనంతమైన విశ్వంలో ప్రతి ఒక్క ప్రాణి జీవించాలంటే నీరు ఎంతో అవసరం.నీరు లేకపోతే మనం జీవించలేమనే విషయం మనకు తెలిసిందే.

అయితే విష్ణు దేవుడిని మరొక పేరుతో పిలిచే నారాయణుడిలో నారము అంటే నీరు అనే అర్థం వస్తుంది.అదేవిధంగా ఆయ‌ణుడు అంటే దారి చూపే వాడు అని అర్థం.

అంటే సమస్త ప్రాణికోటికి జీవనాధారమైన నీటిని అందించే వాడు కనుక విష్ణు దేవుడిని నారాయణుడు అనే పేరుతో పిలుస్తారు.అదేవిధంగా పురాణాల ప్రకారం విష్ణుదేవుడు నీటిలో నుంచి ఉద్భవించడం వల్లే నారాయణుడు అనే పేరుతో పిలుస్తారని చెబుతారు.

అదేవిధంగా నారదుడు ఎల్లప్పుడు శ్రీహరిని నారాయణ.నారాయణ అని నామస్మరణ చేస్తూ ఉండటం వల్ల అదే పేరు వచ్చింది.