కొత్తగా కొనే షూ బాక్స్ లలో ఉండే ఆ ప్యాకెట్ ఏంటో తెలుసా..?!

మీరు ఎప్పుడన్నా చెప్పులు కొన్నప్పుడు ఆ చెప్పుల బాక్సులలో ఒక తెల్లని చిన్న ప్యాకెట్ ఉంటుంది కదా దాన్ని ఎప్పుడన్నా గమనించారా.? అయితే ఆ పాకెట్ ఏవో రసాయనాలతో తయారయ్యి ఉటుందని భావించి వాటిని తాకకుండా తీసుకెళ్లి చెత్త బుట్టలో పడేస్తుంటాము.

అసలు ఆ పాకెట్ చెప్పుల బాక్స్ లో ఎందుకు ఇచ్చారు.? దాని వల్ల ఉపయోగం ఏమిటి.? అనేది కూడా చాలామంది ఆలోచించారు.అసలు ఆ ప్యాకెట్ లో ఏమి ఉంటుంది.

దానిని ఎందుకు ఆ చెప్పుల బాక్సులో పెట్టి ఇస్తారు.? అనే విషయాల గురించి ఈరోజు తెలుసుకుందాం.సాధారణంగా చెప్పులు బాక్స్ లలో ఉండే ఆ తెల్లని ప్యాకెట్లను సిలికా జెల్ అనే పేరుతో పిలుస్తారు.

నిజానికి ఈ సంచులు సిలికాన్ డయాక్సైడ్ అనే రసాయనాలతో తయారయ్యి ఉంటాయి.నిజానికి ఈ రసాయనాలలో ఎటువంటి విషపూరిత పదార్థాలు ఉండవు.చెప్పుల బాక్సులో, షూ బాక్సులో తమ ఏర్పడితే వాటిలో బ్యాక్టీరియా, ఫంగస్ ఏర్పడే ప్రమాదం ఉంటుంది.

అందుకనే ముందు జాగ్రత్తగా ఆ బాక్సులలో సిలికా జెల్ పాకెట్లను ఉంచుతారు.ఈ సిలికా జెల్ ప్యాకెట్లు ఏమి చేస్తాయంటే చెప్పుల బాక్సలలో ఉండే తేమను పీల్చుకుంటాయి.

అయితే ఈ సిలికా జెల్ ప్యాకెట్లను మన ఇంట్లో నిత్యావసరాలుగా ఉపయోగించుకోవచ్చు.అంతేకాదు వీటివల్ల మనకు చాలా ఉపయోగాలు ఉన్నాయి.

ఎప్పుడన్నా పొరపాటున మన సెల్ ఫోన్ నీటిలో కనుక పడిపోతే ఆ సెల్ పై సిలికా జెల్ ప్యాకెట్లు ఉంచడం వల్ల లోపల ఉన్న తేమను పూర్తిగా పీల్చుకోవటంలో సిలికా జెల్ మంచిగా ఉపయోగపడుతుంది.ఇలా తేమను పీల్చుకోవడం వల్ల మన ఫోన్ సాధారణ స్థితిలోకి వస్తుంది.

ఈ విధంగా చెప్పుల నుంచి మొదలుకొని అన్ని వస్తువుల విషయంలో దీనిని ఉపయోగించుకోవచ్చు.చూసారు కదా సిలికా జెల్ ప్యాకెట్ ఎలా ఉపయోగపడుతుందో.దీని ఉపయోగం తెలిసాక కూడా బయట డస్ట్ బిన్ లో పారేస్తారా మరి.