వైఫ్ కోసమే డైలీ 320 కి.మీ ప్రయాణిస్తున్న చైనీస్ వ్యక్తి..!

కొంతమంది భార్యపై ప్రేమను చూపించడానికి ఎంత కష్టమైనా భరిస్తారు.

తాజాగా అలాంటి చైనీస్ వ్యక్తికి( Chinese ) సంబంధించిన ఒక స్టోరీ సోషల్ మీడియాలో వైరల్‌గా మారింది.

అతడి వయసు 31 ఏళ్లు.పేరు లిన్ షు.( Lin Shu ) లిన్ కొత్తగా పెళ్లి చేసుకున్నాడు.సాధారణంగా కొత్తగా పెళ్లయినప్పుడు చాలా మంది వర్క్/ ఆఫీస్ దగ్గరగా ఉండేలా చూసుకుంటారు.

తద్వారా టైమ్‌ వేస్ట్ చేసుకోరు.ప్రయాణం తగ్గించుకుని ఎక్కువ సమయం భాగస్వామితోనే గడుపుతారు.

కానీ లిన్ షు వేరే మార్గాన్ని ఎంచుకున్నాడు.అతడు ఆఫీసు దూరంగా ఉంటుంది.

అయినా ట్రావెల్ చేయాలని నిర్ణయించుకున్నాడు.రోజూ 320 కి.మీ ప్రయాణిస్తూ వర్క్ చేస్తున్నాడు.భార్యతో కలిసి ఉండటానికి ఇంత కష్టాన్ని భరిస్తున్నాడు.

లిన్ షు స్టోరీ ఆన్‌లైన్‌లో బాగా పాపులర్ అయింది.తన సుదీర్ఘ ప్రయాణానికి సంబంధించిన వీడియోలను సోషల్ మీడియా వెబ్‌సైట్ డౌయిన్‌లో( Douyin ) షేర్ చేస్తూ "ఇది అత్యంత దూర ప్రయాణం" అని అతడు క్యాప్షన్ జోడించాడు.

లిన్ షు రోజు చాలా ముందుగానే ప్రారంభమవుతుంది.ఈయన షాండోంగ్ ప్రావిన్స్‌లోని( Shandong Province ) వీఫాంగ్‌లో నివసిస్తున్నాడు.ఉదయం 5 గంటలకు లేస్తాడు.5:20 గంటలకు ఇంటి నుంచి బయలుదేరి, 30 నిమిషాల పాటు ఎలక్ట్రిక్ సైకిల్‌పై స్టేషన్‌కు వెళ్తాడు.6:15 గంటలకు రైలు ఎక్కుతాడు.7:46 గంటలకు షాండోంగ్‌లోని కింగ్‌డావో ( Qingdao ) చేరుకుంటాడు.అక్కడి నుంచి 15 నిమిషాల సబ్‌వే ప్రయాణం ద్వారా తన ఆఫీసుకు చేరుకుంటాడు.