ఇక ఫ్యూయల్ ప్రైస్ పెరుగుదలకు చెక్.. కాలిఫోర్నియా గవర్నర్ అదిరిపోయే ప్లాన్..?

కాలిఫోర్నియా( California ) రాష్ట్రంలో ఫ్యూయల్ ప్రైసెస్ అనేవి భారీ ఎత్తున పెరుగుతూ పోతున్నాయి.

ఈ నేపథ్యంలో గవర్నర్ గావిన్ న్యూసోమ్ ( Governor Gavin Newsom )చమురు శుద్ధి కర్మాగారాలు గ్యాసోలిన్‌ను కొంత స్టోర్ చేయాలని ఒక ప్రణాళికను ప్రతిపాదించారు.

ఈ ఫ్యూయల్ మినిమం స్టోరేజ్ లిమిట్ కూడా నిర్ణయించారు.ఆకస్మిక ధరల పెరుగుదలను నిరోధించడమే ఈ కొత్త ప్లాన్ లక్ష్యం.

కాలిఫోర్నియా ఎనర్జీ కమీషన్ మాట్లాడుతూ గత సంవత్సరం 63 రోజులలో పెట్రోల్ చాలా తక్కువగా దొరికిందని చెప్పింది.నిజానికి కాలిఫోర్నియాలోని రిఫైనర్లు 15 రోజుల కంటే తక్కువ గ్యాసోలిన్ సప్లై తో చాలా ఇబ్బంది పడ్డాయి.

మరీ ఇంత తక్కువ రోజులకు సరిపడా గ్యాసోలిన్‌ మాత్రమే స్టోర్ చేయడం రిఫైనర్ల తప్పు అని చెప్పుకోవచ్చు.తక్కువ నిల్వలు ఉండటం వల్ల కొరత ఏర్పడింది.దీని కారణంగా డ్రైవర్లు ఎక్కువ ధర పెట్టి కొనుగోలు చేయాల్సి వచ్చింది.650 మిలియన్ డాలర్లు వారు ఎక్కువగా ఫ్యూయల్ కోసం చెల్లించాల్సి వచ్చిందని ఏజెన్సీ పేర్కొంది.పెట్రోల్/గ్యాస్ పంప్ వద్ద ధరలు పెరగడం అంటే బిగ్ ఆయిల్‌కు ఎక్కువ లాభాలు వస్తాయని డెమోక్రాట్ అయిన న్యూసోమ్ ఒక ప్రకటనలో తెలిపారు.

"రిఫైనర్లు మరింత లాభం కోసం పరిస్థితిని తారుమారు చేయడానికి బదులుగా, ఈ ధరల హెచ్చుతగ్గులను నివారించడానికి ముందుగానే ప్లాన్ చేయాలి.సరఫరాలను స్థిరంగా ఉంచాలి." అని అన్నారు.

ఈ ప్లాన్ ఎప్పుడు అమల్లోకి వస్తుందో ఇంకా తెలియ రాలేదు.ప్రణాళిక ప్రకారం, కాలిఫోర్నియా చమురు శుద్ధి కర్మాగారాలు ప్లాంట్( Oil Refineries Plant ) నిర్వహణ సమయంలో ఉత్పాదక నష్టాలను పూడ్చేందుకు తగినంత గ్యాసోలిన్‌ను తిరిగి సరఫరా చేయడానికి ప్రణాళికలు కలిగి ఉన్నాయని చూపించవలసి ఉంటుంది.