50 రోజుల సెంటర్ల విషయంలో భగవంత్ కేసరి రికార్డ్.. అన్ని థియేటర్లలో బాలయ్య చరిత్ర సృష్టించాడుగా!

ప్రస్తుత కాలంలో ఎక్కువ సంఖ్యలో థియేటర్లలో సినిమా 50 రోజుల పాటు ప్రదర్శితం కావడం సులువైన విషయం కాదు.

పెద్ద సినిమా విడుదలైన నెల రోజులకే ఓటీటీలో అందుబాటులోకి వస్తుండటంతో 50 రోజుల పాటు థియేటర్లలో సినిమా ఆడటం గగనమైపోతుంది.

అయితే 50 రోజుల సెంటర్ల విషయంలో భగవంత్ కేసరి ( Bhagavanth Kesari )రికార్డ్ సృష్టించింది.రెండు వారాల క్రితమే ఓటీటీలో అందుబాటులోకి వచ్చినా థియేటర్లలో ఈ సినిమా హవా కొనసాగుతోంది.15 సెంటర్లలో ఈ సినిమా అర్ధ శతదినోత్సవం జరుపుకోగా అందులో 11 డైరెక్ట్ సెంటర్లు ఉంటే నాలుగు షిప్ట్ ఉన్నాయి.బాలయ్య సినిమాకే ఇలాంటి రికార్డులు సాధ్యమవుతాయని మరి కొందరు కామెంట్లు చేస్తున్నారు.

రాయలసీమలో భగవంత్ కేసరి ఎక్కువ సంఖ్యలో థియేటర్లలో ప్రదర్శితం కావడం గమనార్హం.ఈ మధ్య కాలంలో బాలయ్య మాత్రమే వరుసగా మూడు 50 డేస్ సినిమాలు ఉన్న హీరోగా నిలిచారని కామెంట్లు వినిపిస్తున్నాయి.