ఆ పెట్టుబడి కోసం అప్పు చేస్తున్నారా.. అయితే డేంజర్‌లో పడ్డట్టే..

ఈ రోజుల్లో చాలా మంది ప్రజలు డబ్బులు పెట్టుబడి పెట్టి  రెండింతలు లాభాలు ఆర్జించాలని భావిస్తున్నారు.

కానీ చేతిలో సరిపడా డబ్బులు లేక అప్పులు చేసి మరీ పొదుపు చేస్తున్నారు.

అయితే ఇలా పెట్టుబడి కోసం అప్పు చేస్తే డేంజర్‌లో పడ్డట్టేనని ఆర్థిక నిపుణులు హెచ్చరిస్తున్నారు.కొందరు ప్రజలు 10-13% రుణంతో అప్పులు తీసుకొని స్టాక్ మార్కెట్‌లో ఇన్వెస్ట్ చేయడానికి మొగ్గుచూపుతున్నారు.

స్టాక్ మార్కెట్‌లో పెట్టుబడి పెట్టడం ద్వారా భారీ స్థాయిలో లాభాలు వస్తాయని బలంగా నమ్ముతున్నారు.అయితే ఇది నిజమే కానీ స్టాక్ మార్కెట్ ఎప్పుడూ లాభాలను తెచ్చిపెడుతుందని అనుకుంటే పొరపాటు పడ్డట్టే.

ఎందుకంటే అప్పు తెచ్చిన సొమ్ము అంతా కూడా స్టాక్ మార్కెట్‌లో ఒక్కసారిగా ఆవిరి అయ్యే ప్రమాదం ఉంది.ఒకవేళ ఇలా జరిగితే రుణంతో పాటు వడ్డీ కూడా కట్టాల్సి వస్తుంది.

ఇది మిమ్మల్ని ఆర్థికంగా మరింత కష్టాల్లోకి నెట్టే ప్రమాదం ఉంది.ఆర్థిక నిపుణుల ప్రకారం, పెట్టుబడిదారులు తమ వద్ద ఉన్న సొంత డబ్బులతోనే స్టాక్ మార్కెట్లో పెట్టుబడి పెట్టాల్సి ఉంటుంది.

అప్పు తీసుకోవడం చాలా ప్రమాదకరం.కొందరు పర్సనల్ లోన్ తీసుకుని షేర్ మార్కెట్ లో ఇన్వెస్ట్ చేస్తుంటారు.

అయితే మంచి నాలెడ్జ్ ఉంటే మాత్రమే లాభాలు ఆర్జించడం సాధ్యమవుతుంది.