వైఎస్ షర్మిలపై ఏపీ సీఎం జగన్ పరోక్ష సెటైర్లు..!!

రాష్ట్రాన్ని విడగొట్టిన పార్టీలోకి ప్రవేశించిన చంద్రబాబు అభిమాన సంఘం, చంద్రబాబు( Chandrababu )ను జాకీ పెట్టి ఎత్తేందుకు మరి కొంతమంది స్టార్ క్యాంపెయినర్లు ప్రయత్నిస్తున్నారని సీఎం జగన్( CM Jagan ) అన్నారు.అలాగే చంద్రబాబు ప్రయోజనాల కోసం బీజేపీలో తలదాచుకున్న పసుపు కమలాలు కూడా స్టార్ క్యాంపెయినర్లుగా ఉన్నారని చెప్పారు.ఏ మంచి చేయకుండా కేవలం మోసాలే చేసిన చంద్రబాబుకు స్టార్ క్యాంపెయినర్లు ఎక్కువ సంఖ్యలో ఉన్నారన్నారు.

చంద్రబాబును భుజాన వేసుకుని తిరిగే ముఠానే ఈ స్టార్ క్యాంపెయినర్లని విమర్శించారు.జెండాలు జతకట్టడమే వాళ్ల ఎజెండా అన్న సీఎం జగన్ జనాల గుండెల్లో గుడి కట్టడమే జగన్ ఎజెండా అని స్పష్టం చేశారు.

అలాగే జనమే తనకు స్టార్ క్యాంపెయినర్లని తెలిపారు.