కొత్త ఇంటిని కొనుగోలు చేసిన సోనూసూద్.. ఎన్ని కోట్లంటే..?

రియల్ హీరో సోనూసూద్ నిత్యం తను చేస్తున్న మంచి పనుల ద్వారా వార్తల్లో నిలవడంతో పాటు పేద ప్రజలకు సహాయం చేయడం కొరకు కోట్ల రూపాయలు ఖర్చు చేస్తున్న సంగతి తెలిసిందే.

తన దాతృత్వంతో సోనూసూద్ రియల్ హీరోగా పేరును సంపాదించుకుని తన సేవా కార్యక్రమాలను కొనసాగిస్తున్నారు.

విలన్ పాత్రల ద్వారా టాలీవుడ్ ప్రేక్షకులకు దగ్గరైన సోనూసూద్ హైదరాబాద్ లో ఒక ఇల్లు కొనుగోలు చేసినట్లు తెలుస్తోంది.టాలీవుడ్ సినిమాలలో ఎక్కువ సినిమాల షూటింగ్ లు హైదరాబాద్ లో జరుగుతాయనే సంగతి తెలిసిందే.

తెలుగు సినిమాలలో ఎక్కువగా నటిస్తున్న సోనూసూద్ హైదరాబాద్ లో హోటళ్లలో ఉండటానికి ఎక్కువగా ఆసక్తి చూపేవారు.అయితే ప్రస్తుతం సోనూసూద్ బంజారా హిల్స్ లో కొత్త ఇంటిని కొనుగోలు చేశారని ఈ ఇంటి ఖరీదు ఏకంగా 10 కోట్ల రూపాయలని సమాచారం.

వచ్చే నెలలో సోనూసూద్ కొత్త ఇంటికి మారనున్నారని ప్రచారం జరుగుతోంది.